الـــــــــــــــســـــــــلام عليكم و رحمة الله وبركاته
انا ناوي افتح خياط رجالي .. باذن الله تعالى … و ابي الشباب الي عندهم خبره فهالمجال يفيدوني
و ابي اعرف من وين اقدر اييب خامات زينه و مطلوبة .. شرات الختم والالماني و ماشابه
و وين اقدر احصل خياطين زينين …. و اي واحد عنده معلومة او نصيحه اتمنى ما يبخل بها علي:064:
و يزاكم الله الف خير ….
… و دمتم
اخوى الخامات آخر شي أهم من هذا
الأيدي العاملة
الموقع
الديكور ولوتضيف بيع الغتر والوزرة والفنايل والعطور عشان تزيد الدخل والخدمات ودور على خامات
مميزة عقب ماتتعمق وتعرف الموردين وبتعرف
لاتنسى عقب ماتحس أن خياطة ربعك عدلة أشتغل على الدعاية عليك بدراسة الجدوى وتوكل على الله
أتمنالك التوفيق
مرحبا
بتلقى الخامات في منطقة بردبي عند العبره السوق الجديم ( السوق المظلل)
بتلقى تجار الجمله من الجنسيه الهنديه وهم يزودون كل محلات الخياطه تقريبا في الامارات
واتمنالك التوفيج
السلام عليكم اخوي
و الف شكر على مرورك و تجاوبك
و بالنسبة للخامات الي تتكلم عنها … فيها خامات مميزة … لاني سمعت والله اعلم ان الخامات الزينه والمرغوبه تنياب من اليابان .. وانا ابي اتكد من هالشي
ويزاك الله خير اخوي
هلا خوي
القماش الكويتي رهييييب جداً
قريب من القماش الي في الامارات
واتوقع المكائن ماراح تكلفك ذيك التكلفة
في حدود 7 & 8 الاف على حسب نوع المكينة
وبالتوفيق
ودمتم بخير
تسلم اخوي على مرورك
اي انواع القماش الكويتي تقصد … تدري الحين الكل يدور خامات مثل الختم و الالماني … هل يا ترى الخامات الي تتكلم عنهن قريبات الهن
و وين اقدر احصل هالخامات .. و يزاك الله الف خير
و دمت سالما
اتمنى لك التوفيق ولي سؤال عن تكلفة المكاين يالغالي كان تقدر تعطيني كم سعرها
بالتوفيق ان شاء الله
مرحبا اخوي .. و بالتوفيج لبليميع ان شاء الله
بالنسبة للمكاين انا للحين ما سألت عنها .. و قلت اول شي بسأل عن الخامات و الخياطين ..
تدري الناس ادور خامات حلوة و خياطة ممتازة
و ان شاء الله اذا عرفت اسعارهن بخبرك عنهن
مرحبا
بتلقى الخامات في منطقة بردبي عند العبره السوق الجديم ( السوق المظلل)
بتلقى تجار الجمله من الجنسيه الهنديه وهم يزودون كل محلات الخياطه تقريبا في الامارات
واتمنالك التوفيج