مشروع شبكة استضافة وتصميم المواقع .. مكسب ممتاز !!

السلام عليكم ورحمة الله وبركاته ..

شحالكم اخواني عساكم طيبين وربي يوفقكم لكل خير

أخواني اليوم يبت لكم مشروع يديد وانا كنت شغال فيه اكثر من 4 سنين والحمدلله الشغل كان ممتاز جدا والدخل عالي مقارنة برأس مال المشروع ..

المشروع عبارة عن انشاء شبكة استضافة مواقع وتصميم وتطوير الشبكات !!

فقط المطلوب هو تأجير سيرفر ذو مواصفات قوية وممتازة لتضمن لعملائك الجودة والكفاءة واستمرارية بقاء مواقعهم على السيرفر..

والحمدلله اخذت سيرفر مواصفاته قوية وجلبت العملاء بدون عمل اي دعايات اعلانية ونشر للشركة !!
كل عميل يجيني عن طريق عميل آخر يتمدح في شركتنا والحمدلله..

طبعا بخصوص بداياتي في هذا المشروع ونسبة الارباح وراس المال والصعوبات التي واجهتني وغيرها راح اشرحها كل شي في موضوع مستقل قريبا..

وحاليا بدخل في زبدة الموضوع

حبيت اعرض عليكم شبكة استضافة للبيع

عدد العملاء تقريبا 40 عميل استضافة ( مساحة ) ..

عدد العملاء الذين تم التعامل معهم من تطوير المواقع والمنتديات والتصميم والتركيب وغيره .. يتجاوزون الـ 500 عميل ولنا الشرف والحمدلله..

طبعا الدخل كان ممتاز ولكن انا ما كنت مهتم بعمل حسابات وجدولة للمواقع وغيرها من التفاصيل..
ولكن لما شفت خلال الشهور السابقة اني صرت مشغول بمشاريع اخرى وما اقدر اتواصل مع العملاء بشكل دايم وخاصة انه ها الموضوع محتاج متابعة نوعا ما ..
فكرت اني ابيع السيرفر..
وقلت في البداية خلني احط مجال لمدة 3 شهور واحسب الدخل الشهري واسوي جدول لمواقع العملاء وطلباتهم واسجل كل ملاحظات الموقع من تاريخ انتهاء مواقع العملاء وغيرها ..

والدخل الشهري يكون متفاوت اول مرة 4000 درهم ومرة 6000 ومرة 10 الاف..وهكذا ..
بس والحمدلله لحد اليوم ما قلّ عن 2000 درهم شهريا ..

الطلبات تكون متنوعة .. من تصميم وتطوير وتركيب وغيرها ..

طبعا مب شرط اللي بياخذه لازم تكون عنده دراية متقنه في هاي الامور

وانا بشرح له الامور المهمة .. ويوجد دعم فني هو يتابع هذي المواضيع كلها فقط انت تطلب منه شي وهو ينفذ ..

وانا حبيت ابيع الموقع وانا متاكد انه المشتري راح يطلع ربح كبير من وراه اذا كان متابع وسواله اعلانات ونشر الشبكة واذا كانت عنده افكار تطويرية يقدر يكسب من وراها ..

طبعا المشتري راح اوضحله جميع التفاصيل المتعلقة بالمشروع والشركات التي اقوم بالتعامل معهم وتكلفة راس المال المطلوب وراح اتابع معاه ايضا في حال حب انه يستفسر عن شغلة معينه وما راح اقصر

والله ما ودي ابيع الا لأني غير متفرغ نهائيا في هذي الفترة ..

طبعا ما راح اعرض اسم الشركة والبيانات الا للجادين ..

المبلغ المطلوب = 45 الف درهم فقط ..

والسيرفر تم تجديده يعني ما راح يدفع عليه شئ الا بداية السنة المقبلة ..2009

وما يقارب 5000 درهم فقط سنويا ..

والسموحة

ومستعد لأي استفسار وللتواصل
sahmuae@hotmail.com