مشروع مؤسسه لتنظيم المعارض والمؤتمرات

33 thoughts on “مشروع مؤسسه لتنظيم المعارض والمؤتمرات”

1. طويل العمر أحمد اذا بتسوي المعرض في بوظبي تسير شركة أبوظبي الوطنية للمعارض وبيطلبون عليك ضمان بنكي 100 الف ورسوم المعرض التسويقي بعد ما تدفع الرسوم تقريبا 160 الف تسير تحجز الصاله اللي هي ارض المعارض ( هالفتره مهرجان رمضان والعيد ) ولا انك تسير تسوي المعرض في بني ياس تدفع ايجار على ارضية النادي 50 الف عن 15 يوم والعين نفس الشي عاد اتييب الخيمه والاستاندات يكلفك تقريبا 120 الف الخيمة 100*30 مع المساحات الخارجية ( مطاعم – العاب ) هذا بالنسبه لأبوظبي والعين

   بخصوص دبي سمعت ان المركز التجاري جاهز لتنظيم معرض بس اتييب الموافقه من الدائرة الاقتصادية وتستأجر صالة عن طريق البلدية .

   بخصوص رأس الخيمة تسير غرفة التجارة وتاخذ الموافقة وصالتهم جاهزه بس راس الخيمة ما تاخذ منهم حق ولا باطل محد يفيدك حتى على الموافقه لأني ركضت لين هلكت ومحد خبرني كيف احصل موافقه

   هذا للمعرض الاستهلاكي

   أما بخصوص المعرض التخصصي تعال تشوف شو الربحية منه وكيف تقدر تديره

   المعرض التخصصي يطولي بعمرك اسهل بمليون وخمسمية الف مره عن الاستهلاكي واوفر للوقت والمال والجهد

   المعرض التخصصي تسير شركة أبوظبي الوطنية للمعارض تقول لهم بسوي معرض عقارات مثلا ( من داخل الدولة ) ياخذون عليك رسوم عن كل يوم 3000 درهم ثلاثة آلاف درهم ومدة المعرض من 4 إلى 7 أيام وتسير تستأجر الصالة عاد الصالة وين ما انت تبا وقيمة الصالة شي غير بس يتراوح من 10 إلى 25 الف في اليوم ايجار الصالة …. تعال تحسب ايجار الاستاند بو 12 متر مربع وتحسب قيمة المتر مربع 750 درهم * 12م = 9000 درهم من العارض الواحد ولو يبت خمسين عارض او اجرت بطريقتك اقل شي بيكون عندك 450 الف وما ركضت وايد حق العارضين ولا بيونك يقولون ما بعنا شي نقص لنا الايجارات ……… هذا تخصصي

   انا عندي معرض عقاري مصري في شيراتون ابوظبي تاريخ 14/11/2006 وهذه دعوه لك لزيارة المعرض مدته 4 ايام ( شمس أبوظبي لتنظيم المعارض )

2. حمد وين ناوين تسوي المعرض لو في دبي من الدائرة الاقتصاديه ولو في ابوظبي من أرض المعارض
   وبخصوص الموظفين بأمكانك تسوي اعلان في أي جريده
   وموفق أن شاء الله

   تسلم ومشكووور اخويه الهاجس وجزاك الله خير الفكره وصلت كفيت ووفيت:dgg545468

3. حمد وين ناوين تسوي المعرض لو في دبي من الدائرة الاقتصاديه ولو في ابوظبي من أرض المعارض
   وبخصوص الموظفين بأمكانك تسوي اعلان في أي جريده
   وموفق أن شاء الله

4. حمد انا بعدني لم انظم اي معرض بس أدرة قريه في معرض بس اللي شفته ان في المعارض ارباح
   بس للأسف وقولها من كل قلبي القائمين على الموافقه يصعبوها عشان تدور واسطه
   بس اول ماسوي معرض سوف اخبرك وعلى المنتدى
   حمد المعرض فكره وبعد ماترسمها بخيالك اسأل عنها من بعيد لابعيد كيف تنفيذها ولاتسأل منافسينك او واحد يشل عنك الفكره
   حمد انا انصحك تبدى بالمعارض التسويقيه كبدايه من داخل البلاد بس بشرط وهو الأهم في ذلك وقت المعرض والمكان وبعد ماتعرف كيف التنظيم و الأدارد والتسويق وهالأموركلها بتشوف ان الأمور سهله وبعدها عندك الوقت تفكر في معارض تخصصيه من الخارج وهاي الفايده الكبيره بس تبي دراسه دقيقه وصبر
   حمد ( لاتستغرب باتحصل اولاد الحلال كثير في أي مجال ولا يبخلو عليك بالنصيحه وكذلك اولاد ال ح ر ا م والعياذ بالله منهم كثير وهم الي يتوهو الواحد )

   والله انك ولد حلال يالهاجس جزاك الله خير اخوي الهاجس عندي الفكره في راسي ومبلورنها ونتو ماتقصرون في اعطائي النصايح ونا مالي غنا من مخوتكم ياخوان شما الحين المشكله لي تواجهني احصل لي موظفين مختصين في هالمجال وقاعد ابحث شرق غرب بس يالهاجس من وين ايبون موافقة على اقامة المعرض :loojst: :ajeeb1: :ar113:

5. افا عليك اخوي حمد بالنسبه لحقوق الملكيه عن المعرض التخصصي بمجرد انك تاخذ الموافقه على تنظيم معرض متخصص في شي محد بيروم ياخذه السنه اليايه الا انت وبنفس الموعد وانا اخوك الصغير لا استاذ ولا شي

   اخوي مرغم كل الموضوع الحين يدور على الموافقه المبدئيه من وين بتكون هاي الموافقه لان في الكثير من الجهات في احد يفيدنا وتسلم الغالي على اهتمامك :qqqdd:

Comments are closed.