السلام عليكم
شحالكم ياجماعه الخير …
انا قاعد اجهز محل شوكولاته ..
وبغيت مشورتكم ياللي لكم خبره فهالمجال ..
انا سمعت ان الشوكولاته اللبنانيه .. فيها زيت النخيل .. وهو مايحافظ على جوده الشوكولاته لمده طويله .. مع الوقت تحس ان الشوكولاته قديمه .. ولونها تغير ..
بعكس الشوكولاته السويسريه والبلجيكيه والألمانيه والفرنسيه .. اللي تستخدم زبده الكاكاو .. واللي ممكن تعمر سنه كامله ..
عالعمووم .. انا ابغي اجهز المحل حاليا .. ومستعد للسفر بس للبضاعه .. لأن المحل شغال فيه فالديكور ..
وسالت ناس .. قالوا لي ممكن يوردون لي شوكولاته بس ألواح ! .. وانا اذوبهم .. واعيد تصنيعهم وتشكيلهم على مزاجي .. بس هاي شغله طويله .. وتعبها اكثر من ربحها ..
فهل حد منكم يعرف من وين اجيب الشوكولاته ؟
ولا في حد يعيد تشكيل الشوكولاته البلجيكيه ويبيعها بالكيلو ؟!
وغير هاي .. ابي اشتري بوكسات وصواني حق التوزيعات .. نحط فيهم الكافي ومن هالكلام
والله لا يهين كل من ساعدني .. أو مر على موضوعي =)
ويعطيكم ألف عافيه ..
الشيف مطلوب لو انا بحط مكاين اعاده تشكيل الشوكولاته .. يعني اشتري كافي عادي .. واذوبه .. واحتاج الشيف حق الـحشوات والإشراف على الشغل ..
بس انا ابي الشوكولاته جاهزه .. وانا علي اغلفها .. وابيعها ..
وبالنسبه لـ قوديفا .. موجود فـ قطر للأسف … =( .. وللعلم .. مشروعي مقره الدوحه
يعطيكم العافيه ياجماعه
شوف هالرابط يمكن ينفعك وتقدر تسوي اللي ماقدرت أسويه وبالتوفيق إن شاءالله
علماً أن المتجــــــــــــــــر مشهور جداً بالولايات المتحده والشوكلا اللي يستخدمونه من بلجيكا
ويرغبون بفتح فرع لهم بدبي
Godiva chocolate and other chocolate gifts at Godiva.com
اعتقد ان هذي الشغلة لبالها شيف يعرف في شغلة الشكولاته ويعرف يصنع الشوكلاته البلجيكيه…حلو بعد لو تركز على التين المجفف …والله أعلم ..الله يوفقك في مشروعك
تسلم عالمروور ياخووي .. ورايتك بيضــآ
وان شاء الله حد من الأعضاء يقدر يساعد ..
ودي افيدك بس انا عندي حلويات مغربية في دبي وما عندي فكرة في الشوكولاته
واتمنى لك بالتوفيق