السلام عليكم ….شحالكم …….يا خواني:
أنا في بالي مشروع (شركة نقليات) يعني أشتري شاحنات وأجرها ..
أريد حد يفيدني بخصوص الأشياء التاليه( طريقة التمويل . انواع الشاحنات .طرق عقود التأجير . الرأس المال المشروع . الدخل الشهري . ) ألي عنده خبره أرجو أنه يساعدني بالأشياء التاليه : (مجرد أستشارة ونصيحه من الشخص )….وجزاكم خيراء و الله يوفق كل مسلم ويرزقه الحلال ويدفع عن الشر ….وسموحه …..
0506288892 أبو حمدان
9 thoughts on “مشروع نقليات …مشروعي الجديد.. أرجو حد يفيدني بهذا الموضوع ويساعدني”
Comments are closed.
ماشاء الله الكل يفيدنا بأراءه وخبراته بارك الله فيكم
بس اخوي احمد اي شاحنه تقصد ممكن تحدد نوعها
يقولون التجارة فيها ربح و خسارة ..
يعني اذا كمن واحد خسر في هالتجارة .. أكيد في أسباب وراء هالخسارة !!! وأنا أشوف هالزمن ما يختلف عن الماضي بالنسبة لهالتجارة لأن عملية البناء و التطور مستمرة بشكل سريع ..
أخوي أنا أتصلت في كذا شركة نقل .. وقالوا لي أنهم بيأخذون الشاحنة مني و كل شركة لها شروط معينة …
الأسبوع الماضي أتصل فيني مقاول .. قالي بيعطيني في الشهر الواحد 60.000 لكن ما كانت عندي شاحنة …
أنا حاليا أدور العقد الممتاز .. وبعدين بشتري الشاحنة .. وأنصحك أدورلك عقد سنة أو أكثر
وشاحنة مستعملة ب 300 ألف موديل 99 أو 2000
وما عليك من اللي يقولك أعطاب و مشاكل ..
أغلب الشاحنات في الشارع متكسرة حتى ما عندهم مكيف للسايق .. أنته أشتر شيء جيد
اذا تبا التجارة لازم شويت مجازفة .. لكن بدون ديون
حياك الله
راس مااااااااال 10.00000 علي شلن بس توقف علي اريولك وصدقني ما منها الفايدة الي انت تدورها كاااان زمااان مب اليووووم انا عندي وعرف شو ورا هذي الشقلة و اللة يوفجك اذا تفكر فيها
بالتوفيق اخوي
اولا بخصوص التمويل لكل بنك شروط معينه مثل عمر الشركه لايقل عن سنتين والبغض ثلاث كشف احساب للشركه لايقل عن ست اشهور دراسه ماليه للشركه معتمده من مكتب محاسبه معتمد
فيه شركات تاجر الراس 19000 مرسيدس اكترس موديل حديث وكل سنتين ايبدلون السيارات لك مع الصندوق ثلاثه اكسل 25000
وفيه شركه ماركه شاحنات تعطيك الراس باقساط 16000 لمدة سنتين وتتملك السيارات بس يبالها معرفه
بخصوص نوعية الشاحنات فهي كثيره مثل الفولفو الحجز لمدة سنه اليي دورك في الاستلام مان مرسيدس رينو هينو تاتا افيكو الكثير
بخصوص راس المال راس التريلا الفولفو الواحد يكلف 515000 درهم والصندوق ماموث 170000 درهم
السياره تكلف 685000 درهم شوف كم سياره تبا واضرب الرقم هذا وتختلف الاسعار بختلاف نوع الراس التريلا ونوعيه الصندوق بعض الصناديق 150000 شركات مب معروفه وما انصحك لان الشغله يبالها تصنيع متين ونوعيات قويه مثل الجيك والمجموعه
بخصوص سعر التاجير يعتمد على السوق والمنافسه الموجوده
الشغله يبالها دراسه كبيره وجديه ومع ناس عندهم خبره كبيره ومجرد طرح موضوع في منتدا لطلب الخبره ما انصحك فيه الموضوع متشعب وكبير والمنافسه كبيره وفيه ناس شغاله بس في عقود الشاحنات تاخذ الفواتير وتدفع كاش وايحاسبون هم الشركات وبدون عوار راس الشاحنات واعطالهن ومخاطر الطريق
يمكن اليونك ناس يثيرون الموضوع وتعجبك الفكره وتشتغل بس اذا ما لك بارض في المراكض وعوار الراس انصحك لا اتعور راسك لان هذي الشغله فيها طرق ملتويه كثير ويقدرون يلعبون عليك
بعطيك بعض المصاعب اللي بتواجهك لوج الله مثلا الحصول على الشاحنات مب بالسهوله اللي تتصورها عمليه التمويل والشراء الطول الدريوليه نادرين جدا وابصعوبه اتحصل الزين الشغل للشاحنه مب ابسهوله اتحصل السعر الطيب اللي يرضيك ويعوضك خسايرك مخاطر الطريق السائق بكل سهوله ايحصل تريبات ايوصلهن لحسابه الخاص لكثره الكسارات وسهولة الاجراءات وبسعر اقل وفيه شركات ياكلون الحرام ويتعاملون مع السائق مباشره وايحاسبونه كاش بسعر بسيط وصاحب الشركه تنكد سيارته على الفاضي المساله يبالها اداره وشغل كبير وتقدر اتراقب سياراتك عبر الاقمار الصناعيه عن طريق الانترنت من داخل الدوله او حتى لو تكون مسافر تدخل على موقع الشركهوتشوف سياراتك على خارطه الامارات وبالقوقل بعد وتقدر تطلب تقرير في ثواني الييك عن اي فتره زمنيه تباها لدرجه توقيت اداره المحرك والسرعه والمسافه والتوقف تقرير مفصل والطريق كل شي
اتمنا الني افدتك وعطيتك الصوره بدون تجميل او ترهيب الواقع وبس واذا تبا نصيحة حد تثق فيه لازم يكون شغال في المجال مب واحد من برع ويسمع
الشغله فيها خير
وبالتوفيق
للرفع …!!
الرجاء افادة الاخوه بخبراتكم …