اخواني واخواتي اللي عنده خبره ابا افتح محل للعبايا بغيت مشورتكم وافادتكم بخصوص هالمشروع .؟

9 thoughts on “مشرووووووع والتوفيق من الله”

  1. التكلفه على حسب مكان المحل

    العمال بيكلفج الواحد تقريبا 7800 درهم ( الاقامة + الضمان العمل والعمال + بطاقة ضمان الصحية )
    الديكور تقريبا مب متأكد بس تقريبا 50 الف درهم تشمل ارضية باركيه + ستائر + الزجاج الخارجي + الاضاءة
    البضاعه تكلف تقريبا مابين 5 الاف الى 10 الاف درهم اذا بتاخذين القماش من سوق الجملة بدبي وانصحك تاخذين كمية بسيطه من كل نوع.
    مكاين الخياطه ماعرف كم تكلف
    الاجار على حسب المكان يعني محل 60 متر مربع بابوظبي بمركز تجاري تقريبا المتر المربع الواحد يكلف مابين 3000 الى 4000 درهم يعني اجاره السنوي مابين 180 الف الى 240 الف ويمكن يكون اقل شوي واذا بتفتحين المحل في دبي او الشارقه او عجمان اتوقع الاجار بيكون ارخص
    الرواتب يبالج تلفين على محلين ثلاث محلات تعرفينهم وتسأليهم عن رواتبهم هل ياخذون راتب فقط ولا راتب + عمولة
    ومن الافضل انج تسوين لهم راتب معين + عمولة حتى يتحركون زياده
    التصاميم اعتقد ان في بنات وايد وايد يعرفون يصممون عبايات
    نزلي اعلانات في المنتديات انج تبين مصممات عبي وبتحصلين ان شاء الله واتفقي وياهن على كل تصميم مبلغ معين وبهالطريقه وفرتي قيمة المصممات ورواتبهم.
    الاعلانات يفضل انها تكون في اماكن تجمع البنات مثل كليات التقنية والجامعات بالاضافة الى الجرائد الاعلانية الاسبوعية

    لا تنسين ان هالشغل بالذات يعتمد على
    1) الاسعار المنافسه
    2) جودة التصميم
    3) السرعة
    4) جودة البضاعة
    5) العلاقات

    بعد هالشغل موسمي يعني ايام الاعياد والاعراس بيكون ضغط مب طبيعي
    اذا كبر محلج حاولي تتعاقدين مع التلفزيون ان عبايات المذيعه عليج بشرط يحطون اعلانج بعد النشره كدعايه للمحل
    سوي موقع بالانترنت للمحل بالاضفة الى صفحة فيس بوك وتويتر وتحطين فيه كل جديدج وبعد حجزي مساحات في المواقع المشهورة والمنتديات النسائية للدعاية لموقعج والمحل

    اذا بتعتمدين على العمال في ادارة الشغل تراني من الحين اقولج راح تخسرين كل شي
    اعتمدي على نفسج في ملاقات الزبائن كإنج موظفه مب صاحبة المحل
    اكسبي ثقتهم حتى تكسبين جيوبهم
    خخخخخخخخخخخ

    بالتوفيق يارب

    والله يوفقج يارب

  2. خياطة وتصميم وبيع العبايات الجاهزة
    وشكرا على تفاعلكم
    واتمنى افادتي ببعض الافكار او كم بيكلف المشروع ؟

  3. هل ستقومين بتصميم وخياطة وبيع العبايات

    ام فقط البيع

    هل لديكي نية لبيع العبايات الجاهزة

    وسوف افيدك ان شاء الله تعالى ببعض الافكار

    تحياتي

  5. بالتوفيق إن شاء الله …من المشاريع الناجحه جدا لاني في يوم من الأيام فكرت فيه….بس أهم شي الموقع وعمال يمتازوا بالإمانه …والله الموفق.

Comments are closed.