السلام عليكم ورحمة الله وبركاته
كيف حالكم شباب عساكم بخير
الله يسلمكم في مشكله خطيرة في التيدا ويمكن الجميع ملاحظها وهي الاضواء الخلفية للسيارة دائما تكون خربانه واضواء البريك ايضا نفس المشكله يعني الي وراك ما يعرف انك دعست بريك ولا لا وخصوصا فالليل وهاذي المشكله انا لاحظتها على اكثر من سيارة واكثر عن مرة كنت بسوي حادث بسبب الاضواء الخلفية ما احس الا السيارة موقفه جدامي …
وانا طرحت الموضوع حتى ينتبهون راعين التيدات وهاذي المشكله قبل لا تشكل خطر على الاخرين بتشكل خطر عليك انت وهي مشكله ما تكلف الا كم درهم تغير فيهم اللمبات الخلفيه وخلاص.
وسلامتكم
ما اظن فيهن كلهن
شكرا على التنبيه
عاد شو رايك يا أخوي انا عندي رنج قبل لا اطلع من البيت لازم انزل اجيك على الليتات اللي ورا
معنه يخبرك الكمبيوتر اذا الليت محروق وادوس على البريك واشوف انعكاس الليت على باب البيت
وعقب اتوكل عى الله واظهر
لازم كل واحد جي يسوي, هاي الشغله ما بتاخذ عنه ثواني
وتسلم على موضوعك
مشكور ويزاك الله خير
عاد وين الي ينتبهون يركب الموتر ويشغل ويمشي خلاص ما دام جايف سكان وجير ومحرك يمشي ولاشاء الثانية ما تهمه
ها الي انا اتكلم عنه بارك الله فيك والله نص الزحمة من هل الاشكال وهل السيارات