عندي انسان ياني بمشكلة وهي انه مالج واكتشف بعد الملجة انه اللي ماخذنها ما تغطي وجهها
حاول يقنعها ولكن بلا فائدة
هو يقولها لازم تلبسين
هي تقوله مب فرض
هو يقولها انه هالشي يمنع الفتنة
هي تقوله تقصير الكندورة وتطويل اللحية يمنع الفتنة (والريال مايقصر كندورته ومايطول لحيته)
هو يقولها انا عندي الحرمة ما تطلع وييها
هي تقوله مب حرام عشان تمنعني
وحاول بالطيب ماشي فايدة
فالريال عازم انه لو ماطاعت ما يكمل ويطلقها
مع ان الحرمة محتشمة وما عليها قاصر بس مشكلة تغطية الوجه
انا عطيته راي ولكن قبل قلتله تريا يمكن الحل اللي بعطيه يزيد المشكلة
انا قلتله يقولها انه مثل كشف الوجه مب حرام
الزوجة الثانية مب حرام
بالعكس هو بيكسب اجر
فلو انتي لبست النقاب عشاني
انا بضحي وما بتزوج ابدا بوحدة ثانية
وقلتله يستشير الخط المباشر للتوجيه الاسري في الاوقاف يمكن يعينوه
فشو رايكم يا اخواني يتوكل يقول رايي ولا عندكم حل ثاني ؟؟؟؟
وخاصة راي البنات ابغي اعرف شو بيكون ردة فعلها ؟؟
للعلم : الريال متمسك بالحرمة ويبغي ياخذها وكثير من الناس قالوله انها بتتغير بعد العرس وهو خايف انها ماتتغير وهو مايقدر يستحمل ومن النوع الغيور واااااايد
المفروض ما يبينلها انه بهالطلب يالس يتحكم فيها أو يفرض عليها شي بالغصب يحسسها انه من شدة حبه يغار عليها وما يبا حد يشوفها وانها ملكه يمكن يلين راسها وتقتنع بالنقاب
بالاسلوب الحلو وباللين يقدر يقنعها
اسمحلي يا خوية
بس الاخت عقلها شوي متحجر ..
اي ضعف واي كسور لو نغطي الويه؟؟
امهاتنا ويداتنا تعودنا عليهم على هالشي تغطية الويه جدام الغرب ..
امها وينها عنها ؟؟
ما ادري الله يهديها بس
انزين ماله الا التوجيه الاسري اتمنى يفيدونهم اكثر ..
بس اعتقد الامور هاي بعد الزواج تنحل ما يهمك ..
الله يهديها .. ^^
على حسب علمي ان النقاب او التغشي مش فرض .. والفرض هو الحجاب .. والله اعلم
وانا مرة سمعت من مفتي على الاف ام انه الغشوة او النقاب يفضل لما تكون المرأة جميلة جداً لدرجة ان جمالها ممكن يسبب فتنه
ولو يتركها على راحتها افضل عشان لما تتنقب او تتغشى عن قناعة بكون احسن عشان ما يكون عادة مش عبادة ..
وهذ مش سبب كبير او عظيم لحدوث الطلاق
برأيي الشخصي انه يتوكل على الله ويتزوجها طول ماانها محتشمة ومتسترة
رأي شخصي
وشكرا
اشترالها نقاب وعطاها هدية وما لبست وتتحجج انها ما تعرف
وقالها تتغشى طاوعته في البداية ولكن ودرته بعد فترة وقالت انها مب مقتنعة
وتقوله انها عارفه نفسها انها زينة وما يحتاج انها تغطي وجها عشان تثبت هالشي
وانه اللي تغطي وجها ماعندها شخصية وضعيفة ومكسورة
وحاول يكلم اخوها فقال ان ابوها ما يغصب بناته على تغطية الوجه
الله يهديها ..
شو بتستفيد من هالعناد ..
خل تتغشى عالاقل ..
او تلبس خمار .. اسهل فاللبس والخلع لو هي تبى
يشتري لها هدية جي خمار ويا نقاب او غشوة ..
ويقولها البسيها واحنا طالعين ابى اجوفها عليج .. كتجربة
او يسمعها كلمتين حلوات ترى البنت تحب الرمسة الحلوة .. وهو وشطارته ..
ما افضل الطلاق لانه مب زين شو ذنبها حرام ما ايوز طلاق عشان ما تغطي ويهها ..
في بعض الحريم يتغيرن بعد العرس اكيد زتتغير وجهة النظر عندهن ..
عالعموم يحاول يرمس امها او اخوها مثلن انه يقولها .. واذا ما نفع كل ها يقدر يلجا للتوجيه الاسري ..^^
الله يوفقهم لما يحب ويرضى ولا يبعدهم عن بعض =)
.
.
.