عندي انسان ياني بمشكلة وهي انه مالج واكتشف بعد الملجة انه اللي ماخذنها ما تغطي وجهها
حاول يقنعها ولكن بلا فائدة
هو يقولها لازم تلبسين
هي تقوله مب فرض
هو يقولها انه هالشي يمنع الفتنة
هي تقوله تقصير الكندورة وتطويل اللحية يمنع الفتنة (والريال مايقصر كندورته ومايطول لحيته)
هو يقولها انا عندي الحرمة ما تطلع وييها
هي تقوله مب حرام عشان تمنعني
وحاول بالطيب ماشي فايدة
فالريال عازم انه لو ماطاعت ما يكمل ويطلقها
مع ان الحرمة محتشمة وما عليها قاصر بس مشكلة تغطية الوجه
انا عطيته راي ولكن قبل قلتله تريا يمكن الحل اللي بعطيه يزيد المشكلة
انا قلتله يقولها انه مثل كشف الوجه مب حرام
الزوجة الثانية مب حرام
بالعكس هو بيكسب اجر
فلو انتي لبست النقاب عشاني
انا بضحي وما بتزوج ابدا بوحدة ثانية
وقلتله يستشير الخط المباشر للتوجيه الاسري في الاوقاف يمكن يعينوه
فشو رايكم يا اخواني يتوكل يقول رايي ولا عندكم حل ثاني ؟؟؟؟
وخاصة راي البنات ابغي اعرف شو بيكون ردة فعلها ؟؟
للعلم : الريال متمسك بالحرمة ويبغي ياخذها وكثير من الناس قالوله انها بتتغير بعد العرس وهو خايف انها ماتتغير وهو مايقدر يستحمل ومن النوع الغيور واااااايد
Not A Big Dael !!!!
اخوي استشير اهل العلم والدين في هذا الموضوع لانه هذا عرس وزواج وطلاق وهب شي هين عشان
نفتي فيه ولازم ناخذ بعين الاعتبار عوامل ثانية ومانشوف الموضوع من منظور واحد عشان ما يقع الريال في
الظلم … اخويه سبحان الله يمكن البنت صدق زينة واخلاق ودين بس ماتتنقب وفي وايد يتنقبن والاخلاق
حدث ولا حرج وانا ما اعمم ع الكل بس اوضح وجهة نظر وتراه الدين النصيحة ولازم تكون باللين والتفاهم
والبنت اذا متعودة انها في بيت اهلها ماتنقب ف اكيد ف البداية بيكون صعب عليها الحين انها تتفهم هالشي
وهي سنين مقتنعة بوجهة نظر صعب انك اتغيرها في يوم وليلة اكيد يباله وقت … وانا ماشجع طبعا ع
كشف الويه لاني اشوف الغشوة حشمة وميزة بس حبيت انوه انه فيه مقاييس ثانية لازم الانسان ياخذها
في عين الاعتبار مثل الأخلاق والدين والتربية بالذات في امور الزاوج …
في بداية الزواج يحاول كل من الزوجين تطبيع الآخر بعاداته و طباعه ، و يبدأ الصراع ، و بعد مرور فترة من الوقت يبدأ الاستقرار النفسي و تهدأ الامور ، و يتأقلم كل منهما على طباع الاخر ،
اذا نجح احد الطرفين في تطبيع الآخر ، فهذا بداية الروتين القاتل ، و مدخل الملل و الرتابة و بداية الخيانة …
نصيحتي ، حاورها و اوجد حل وسط ، مثلا تغطية الوجه في الاسواق ، في العمل ، مقابل كشف الوجه في السفر ، في السيارة ،
اعتقد ان كل منكما ذو ثقافة عالية ، نصيحة ، ابتعد عن العناد و كن متفهما ،
هذا الموضوع حدث لي شخصيا قبل الزواج و توصلت مع زوجي لحل وسط ، فعليك بالحوار والتفاهم و قياس الامور في مقياسها الصحيح ،
يا اخوي لاتدخل وزين انك مارمست ولاقلت بالله عليك تقولها يعايرها ويخرعها ان بيعرس عليها بثانيه وهو بعده توه مالج ؟؟ والله لاتودره
في ساعتها وهو بيتندم خخخخ محد يقول للحرمه باخذ عليج ثانيه
وحلال ومدري شو .. ترضااها تقولها لحرمتك هب حرام اخذ عليج
ثانيه ؟ ولا جرب قولها شوف شو بتسويبك
ياليت اللي عندهم مشاكل هو وحرمته يخليها بينهم ويتفاهمون
لان مرات يوم يدش راي 3 ولا يدخلون في السالفه حد تخترب
بينهم العلاقه .. والمفروض قبل لايملج عليها يعرف اللي تباه واللي ماتباه ويعرف عنها كل شي هب عقب ما ملج طرى ع باله يتحكم
فيها ويقولها تحجبي هب معقوله ماكان يعرف وهو خاطبنها !!!! وقبل لايملج عليها