عندي انسان ياني بمشكلة وهي انه مالج واكتشف بعد الملجة انه اللي ماخذنها ما تغطي وجهها
حاول يقنعها ولكن بلا فائدة
هو يقولها لازم تلبسين
هي تقوله مب فرض
هو يقولها انه هالشي يمنع الفتنة
هي تقوله تقصير الكندورة وتطويل اللحية يمنع الفتنة (والريال مايقصر كندورته ومايطول لحيته)
هو يقولها انا عندي الحرمة ما تطلع وييها
هي تقوله مب حرام عشان تمنعني
وحاول بالطيب ماشي فايدة
فالريال عازم انه لو ماطاعت ما يكمل ويطلقها
مع ان الحرمة محتشمة وما عليها قاصر بس مشكلة تغطية الوجه
انا عطيته راي ولكن قبل قلتله تريا يمكن الحل اللي بعطيه يزيد المشكلة
انا قلتله يقولها انه مثل كشف الوجه مب حرام
الزوجة الثانية مب حرام
بالعكس هو بيكسب اجر
فلو انتي لبست النقاب عشاني
انا بضحي وما بتزوج ابدا بوحدة ثانية
وقلتله يستشير الخط المباشر للتوجيه الاسري في الاوقاف يمكن يعينوه
فشو رايكم يا اخواني يتوكل يقول رايي ولا عندكم حل ثاني ؟؟؟؟
وخاصة راي البنات ابغي اعرف شو بيكون ردة فعلها ؟؟
للعلم : الريال متمسك بالحرمة ويبغي ياخذها وكثير من الناس قالوله انها بتتغير بعد العرس وهو خايف انها ماتتغير وهو مايقدر يستحمل ومن النوع الغيور واااااايد
[quote=Ursoul;3005255]اذا من البدايه مب مقتنعه لا اتحاولون وياها لانها ما بتقتنع بسهوله واذا هي متحجبه وملتزمه بدينها فكفايه
مافي داعي يهددها بالزوجه الثانيه لانه ها الشيء بضايجها اكثر وبتعاند اكثر وما بيفيد الريال بشيء وممكن يسبب مشاكل اكثر من انها تنحل يعني لو تزوجو وهي سمعت من قبل انه بياخذ عليها وحده بتم طول الوقت شاكه انه في انسانه ثانيه في حياته وطبعا لا هي بترتاح والنتيجه ما بتريحه
النقاب مب غصب يعني ممكن ينقبها بس من وراه يوم بتطلع وي اهلها ما بتلبسه يعني بيستوي غش من صوبها
الحمد الله انه على بر الامان لين الحين يحاول يقنعها وحس انها بتقتنع كان بها وان شافها معانده تراه لازم يعرف اذا فرضت رايها الحين في امر بسيط ممكن تفرضه بعدين في اشياء وايده
الله يهديها له ان شاء الله وبالكلمه الطيبه واللين تنحل الامور
من وجهة نظري مافي داعي للنقاب اذا هي مب مقتنعه
أحســــــــن رد
وتسلمممممين
الله يعينه عليها هاي من البدايه راسها يابس وما تسمع الرمسه
اخوي استشير اهل العلم والدين في هذا الموضوع لانه هذا عرس وزواج وطلاق وهب شي هين عشان
نفتي فيه ولازم ناخذ بعين الاعتبار عوامل ثانية ومانشوف الموضوع من منظور واحد عشان ما يقع الريال في
الظلم … اخويه سبحان الله يمكن البنت صدق زينة واخلاق ودين بس ماتتنقب وفي وايد يتنقبن والاخلاق
حدث ولا حرج وانا ما اعمم ع الكل بس اوضح وجهة نظر وتراه الدين النصيحة ولازم تكون باللين والتفاهم
والبنت اذا متعودة انها في بيت اهلها ماتنقب ف اكيد ف البداية بيكون صعب عليها الحين انها تتفهم هالشي
وهي سنين مقتنعة بوجهة نظر صعب انك اتغيرها في يوم وليلة اكيد يباله وقت … وانا ماشجع طبعا ع
كشف الويه لاني اشوف الغشوة حشمة وميزة بس حبيت انوه انه فيه مقاييس ثانية لازم الانسان ياخذها
في عين الاعتبار مثل الأخلاق والدين والتربية بالذات في امور الزاوج …
فيه مرة واحد اتصل حق مطوع في برنامج ديني على الهواء مباشرة
قاله: يا شيخ أنا زوجتي غير محجبة كاشفة شعرها والإسلام فارض الحجاب ودايما انصحها واباها تتحجب بس هي رافضة هل أطلقها؟؟
سأله المطوع: هل الزوجة أخلاقها سوية ومحترمة
قال له: نعم ما شفت عليها شي
قاله: ادعي لها بالهداية لأن أبعض الحلال عند الله الطلاق وما يجوز انك أطلقها
اذا من البدايه مب مقتنعه لا اتحاولون وياها لانها ما بتقتنع بسهوله واذا هي متحجبه وملتزمه بدينها فكفايه
مافي داعي يهددها بالزوجه الثانيه لانه ها الشيء بضايجها اكثر وبتعاند اكثر وما بيفيد الريال بشيء وممكن يسبب مشاكل اكثر من انها تنحل يعني لو تزوجو وهي سمعت من قبل انه بياخذ عليها وحده بتم طول الوقت شاكه انه في انسانه ثانيه في حياته وطبعا لا هي بترتاح والنتيجه ما بتريحه
النقاب مب غصب يعني ممكن ينقبها بس من وراه يوم بتطلع وي اهلها ما بتلبسه يعني بيستوي غش من صوبها
الحمد الله انه على بر الامان لين الحين يحاول يقنعها وحس انها بتقتنع كان بها وان شافها معانده تراه لازم يعرف اذا فرضت رايها الحين في امر بسيط ممكن تفرضه بعدين في اشياء وايده
الله يهديها له ان شاء الله وبالكلمه الطيبه واللين تنحل الامور
من وجهة نظري مافي داعي للنقاب اذا هي مب مقتنعه….
كل شي بالتدريج
ولازم ما يفرض عليها مع الايام..
اسمع اللي انا سويته..
انا الحمدلله يوم تزوجت كانت زوجتي تلبس نقاب من قبل… وعباة عالكتف…
اول الايام كنت اجبرها.تقولي يوم بتطول اللحية وبتقصر الكنادير يمكن البس بعد…
بعدين غيرت الطريقة…
قلتلها انا احب الوحده لما تلبس العباة عالراس.وبحبج اكثر اذا لبستيها..
دوم اقولها هالكلام…
وبالهاية اقتنعت ولبستها من ارادة نفسها
وقامت ما تظهر الا عالراس والحمدلله…
انا اقول اصبر عليها ومع الايام بتنفذ اللي تقوله