مشكلة في عداد بترول نيسان 2008..

28 thoughts on “مشكلة في عداد بترول نيسان 2008..”

1. وعليكم السلام ورحمه الله وبركاته
   هلا اخووي
   انا اربيعي صارت له نفس الحركه
   وعنده فتك 2008 سوبر سفاري
   وقالو له بدل العوامه ويوم بدلها نفس الشي

   وبعدين قالو له من الطبلون
   ويوم بدل الطبلون اتعدل كل شي
   والطبلون خذينا 900 درهم مستعمل

   وبالتوفيق اخوووي

2. سلام عليكم

   اذا موترك ماشي وايد فرصه انك تاخذ عداد يديد او اونك تاخذه من السكراب

   بيكون زيرو من الوكاله ومن السكراب اطالع واحد يكون ماشي قليل

   ومافي حل غيره لا عوامه ولا غيره شاشه كامله ولا تتعب عمرك وتسير تجرب وتفحص على الفاضي

   والسموحه

   اخوي ترانا برمضان وهذي طريقه فيها غش وتدل الرجال عليها صف النيه وانا خوك والسموحه

3. انا صارتلي هالمشكله اخويه من شهر جي نيسان 2003 وكم بند علي فالشوارع

   بدال ما اتعب عمرك وتدفع حق طبلون يديد

   دورلك محل يصلح الطبلون .. شغل نص ساعه .. اذا انته من العين شي محل بين فسكه جي عند مسجد التقوى .. يوم بتدخل السكه بيكون ايدار المسيد على يسارك ومحلات ع يمينك اضن رابع محل يصلح كمبيوترات ولابتوب وجي بس ماعليك قوله السالفه بيبطل الطبلون وماعرف بيتم يلعبه شوي وبيرده لك.. طبعا بيقولك 300 او اغلى عطه 100 درهم وروح عنه وانته والخيل رباعه

4. السلام عليكم..

   شباب عندي نيسان سوبر سفاري موديل 2008..

   و قبل اسبوع اسبوع اشوف عداد البترول (الرئيسي) يلعب على كيفه مرة فوق و مرة تحت مصفر عالآخر و مرة في النص..

   المهم سألت كذا واحد أصحاب الخبرة قالولي لازم تغير العوامة.. و طبعا خذت عوامة أصلية و ركبتها.. و فوّلت السيارة… و مشيت 450 كيلو و العداد توه يوصل النص.. و فجأة بنّد الموتر لأنه البترول فضى… خخخخخخخخخخخخخ و طبعا حولت على العداد الاحتياطي..

   المهم قلت خلني اسير محل فحص بالكمبيوتر.. فحص السيارة و قالي عندك يا مشكلة في العوامة او مشكلة في عداد الطبلون نفسه.. قلتله توني مبدل العوامة قال خلاص عيل الطبلون.. و لازم تاخذ عداد الطبلون بالكامل ب 1800 من الوكالة…

   شو الحل يا ترى؟؟ حد صارتله نفس مشكلتي؟؟

   أتريا ردودكم و لا تراني بتهور و بدخلها الوكالة خخخخخخخخخخخخخخ

   .

   أخواني حسب خبرتي لان مشكلة صارت لسيارتي ولا ربيعي بدون كلام بدل فيول بمب مع عوامه الي موجوده في تانكي بترول لان عوامه لها عمر افتراضي ويكلف في وكالة مسعود 1200 درهم مع ضمان
   

5. السلام عليكم ورحمة الله

   يا جماعه انا خذيت قبل سنه نيسان موديل 2008 سوبر سفاري وكان عداد الحراره مره يظهر لفووق ومره تحت وسرت الوكاله وتبين ان الخراب من الطبلون شي قطعه وكمبيوتر يعني الوكاله الروحها بدلت الطبلون بالكامل ولو ان فيه مجال بيصلحونه اعتقد انهم كانوا بيعدلوونه فأنصحك تبدل الطبلوون واذا كان موترك بعده على الضمان وده الوكاله

   أخواني حسب خبرتي لان مشكلة صارت لسيارتي ولا ربيعي بدون كلام بدل فيول بمب مع عوامه الي موجوده في تانكي بترول لان عوامه لها عمر افتراضي ويكلف في وكالة مسعود 1200 درهم مع ضمان
   

Comments are closed.