مشكلتي ميؤس منها على الاقل في نظري
المشكلة متمثلة في اخوي وعائلته
اخوي : ( لا يتصل يسلم , ولا يتخبر عن الحال , وحتى يوم القيه دوم مضيق ) طبعا هذا معاي بس
لانه مع بقية الاخوان راعي سوالف ويتصل يسولف وياهم
انا الاخ الخامس وهو الرابع
يعني عندنا 3 اكبر منا
والعلة الثانية في زوجته
غلسة لاخر درجة مع زوجتي ومانعه عيالها من دخول بيتي
وبعد دوم تسوي مشاكل مع زوجتي
انا ما ادري هل اخوي عنده خبر بمنع عيالة من دخول بيتي ؟؟
بس يوم افكر في طريقة معاملته لي اقول يمكن هو اللي مانعنهم
سبحان الله
انتو تقولو رمضان على الابواب
والواحد لازم يتصالح مع ربعة
انا اخوي من سنه يمكن وزود ما اتصل بي الا يمكن 3 مرات
وكلها عشان يبغي مني حاجة
وبعد طبع ثاني فيه
الا وهو عدم الرد على اتصالاتي
يعني ادقلة ولا يرد ……..مرة …………مرتين …..
ويوم اسأله ليش ما رديت على اتصالي
يضحك ويصد عني
المشكلة هي ان اخوي ( مطوع ) مربي لحية
وزوجته متنقبة
والظاهر عليهم الصلاح
مشكلتي هي ان زوجتي قاعدة 24 ساعة في البيت وما تطلع عن جاراتها
لان زوجة اخوي هذا دوم عند الجيران
والبنات عندي 24 ساعة في البيت
لان امهن ما تطلع
وبعد البنت الكبيرة دوم تسأل ليش امي ما تطلع عند الجيران
الموضوع هذا مش من يوم او يومين
الموضوع هذا من سنة وشوي
شو الحل ؟؟؟؟؟؟؟؟؟؟
لا فض فوك أخوي، أحيانا المصارحة قد تأزم المشكلة أكثر، اعمل مثل ما قالك عواد، وإذا ما نجحت الطريقة، بعدها تأتي مرحلة المصارحة!!
الله يفتحها عليك
والله انك ما تقصد يا الشيخ
ان شاء الله بجرب نصيحتك
وشكرا للجميع على النصيحة
اسمع مني يا بو الشباب …
لا تصارحه ولا يصارحك … ولا تفضفضله ولا شي …
هذا أخوك ومهما حصل المفروض تكون الامور طبيعية يعني بدون رسميات وغيرها .. ولا تدخلوا الحريم بينكم … … أول يوم برمضان … تعرف شو تسوي …؟؟؟
دق عليه باب بيته .. وازقره يا بو فلان ..
وين الفطور .. أنا بفطر عندك اليوم … وإدخل وإفطر وصلي معه ..و بوس عياله ..وعطيهم دراهم ..واشرب شاي معه ..وروح أنت وياه لصلاة التراويح ..ولا تظهر له اي شي ..من الماضي …..حاول تكون طبيعي ..وعفوي .. جرب هذا الشي … وصدقني هذا أخوك … والدم مايصير مويه .. ورح تلقى النفسية تغيرت …
والله لا يفرق بينكم …قول آمين …
اخوى لازم تروح عنده و تصارحه بكل شىء حتى تعرف سبب المشكلة.و دكره اخوى بانه لا يدخل الجنة قاطع رحم.و بالتوفيق اخوى