مشكلة ما نحلت في الكزس ls 460

19 thoughts on “مشكلة ما نحلت في الكزس ls 460”

1. الفرق كبير بين الألماني و الياباني .. فرق السماء عن الأرض .. مافي اي مجاال للمقارنة .. على العموم حل مشكلة صوت الهواء في الرابط التالي:
   LS460 Wind Noise Fix (continued discussion) – Club Lexus Forums

   ان شاءالله يفيدك و يفيد الأخون

2. مشكورين اخواني على المرور والتفاعل الطيب وجزاكم الله خير وفي ميزان حسناتكم ان شاء الله,
   اخويه راعى الكزس انا مجرب الالماني صدقني ان 460 سياره مافيها حيله لو مب ها العيب
   سياره فخمه وسواقتها احسن عن المرسيدس و البي ام بوايد وبعد السيرفس الصراحه عجيب
   مب شرات اللماني عقب سنه ولا سنتين يصلخون جلدك صلاخ ملشي اقل عن الاربعة الاف عندهم
   ونشاء الله بجرب حركه الجامه

3. اخوي اناكان لكزس 2008 و عانيت من نفس المشكله لا وكل اللي يركب وياي يلاحظ هالشي لين كرهت شي اسمه لكزس بعتها وخذت x5 وبصراحه الفرق كبير جدا جدا هدوء وثبات وراحة بال وسيرفس ولا احلى في الوكاله

4. أنا

   عندي الحل

   عندي لكزس Ls430 2006
   و الي عنده Ls460 و مضايق من مشكلة الهوا…..

   يبادلني راس براس وبتنحل مشكلته…

5. شوف يا الغالي انا بخبرك شي..

   انا عندي 460 موديل 2007 ومطلعنها اول ما طاحت في البلاد..

   ما اشتكيت منها ابدا لين الحين والحمدلله ، بس بالنسبه لـ صوت الهوا

   هو صح في تنسييم هوا بس شي بسييييط جدا..

   بس انا واربيعي ( عنده 460 بعده ) حلينا ها المشكله بكل بساطه

   اول شي ارفع الجااامه كلها لين اخرها وعقب نزل الجامه شي بسيييط
   يعني اضغط ضغطه وحده خفيفه ع الزر ، وصدقني بيروح صوت الهوا..

Comments are closed.