السلام عليكم
باختصار يا اخوان سافرت على خطوط جويه من مطار ابوظبي الى مصر و في مطار مصر استلمت شنطة
السفر مكسورة فبلغت المسؤليين في المطار و فتحوا بلاغ و خبروني اني لما ارد ابوظبي بيردون علي خبر
و فعلا لما رديت ابوظبي عرضوا علي تعويض 100$ مع العلم اني ماخذ الشنطه 650 درهم قبل السفر باسبوعين و في سفره وحده اكسروها و عطوني نص قيمتها تقريبا
مب مشكله الفلوس و المبلغ ما يرزى و الحمدلله على كل حال لكن اذكر لما خذت التذاكر موظف الحجوزات ما خصم لي و لا فلس و قال في موسم الصيف ما في خصومات و الحجز فل و يوم صار لي حق عندهم
خصم نص قيمة الشنطه بكيفهم
انا ما خذت اي شي منهم و خاطري اشتكي عليهم بس مب عارف وين ؟؟
شو الشور يا اخوان من حقي اطالب بالقيمه كامله و الا ارضى بتعويضهم و لو اني ابى اادبهم و اعلمهم
كيف ما ياكلون حق الناس

5 thoughts on “مشكلة مع خطوط جويه..اللي عنده خبرة يتفضل”

  1. رأيي تسأل محامي بيفيدك وايد . في ناس حصلت

    تذاكر وحد خذ مبالغ خيالية التعويض بيكون بسبب

    السمعة كبير وايد .

    شوف محامي ومابتخسر .

    وبالتوفيق .

  3. اخوي تقبل المبلغ لان اذا ما مسوي تأمين على الشنطة، فبيكون اعلى حد للتعويض 100 دولار حسب قوانين الامتعة لخطوط الطيران.

    وانصح الاخوان بتأمين شنطهم حسب القيمة التي يرونها اذا عندهم اشياء ثمينة، لان ضياع الشنط اصبح شي روتيني في كل مطارات العالم بسبب الاجراءات الامنية الزائدة.

  5. الله يعوضك يا اخوي, بس انا الي اعرفه انه عقد شراءك التذكره يقول انهم ما بيعوضونك الا 100$ حتى لو الشنطه متروسه بيزات و ذهب, و المشكله انه هذا العقد عادة ما تشوفه الا اذا طلبت من الشخص الي عطاك التذكره و هو بيعطيك ورقه فيها كافة الشروط و الاحكام…

Comments are closed.