السلام عليكم ورحمة الله وبركاته
من شهر او اقل اشتريت سيارة للوالد و السيارة وصلت من اسبوعين تقريبا
تم التسجيل السيارة في مرور ابوظبي
و طلعنا رقم مميز للشيبة من مرور ابوظبي (ازرق)
لكن لما دخلت على موقع مرور دبي (فضول) احط ارقام السيارات الي عندي و الحمدلله ولا مخالفة لكن المفاجأة ان لما حطيت رقم اللكزس اليديد طلع على الوالد مخالفة من شهر 2 و السبب السرعة الزائدة في شارع الامارات !!
الوالد لحد الان ما ساق السيارة اكثر من 200 كم ؟؟؟
كيف ياخوان انا مركب الرقم من اقل من اسبوعين يعني في شهر 4 و المخالفة في شهر 2 ؟؟
اصلا الرقم ما ينصرف اذا عليه مخالفة !!
ممكن حل و انا بصراحة مب متفيج اسير دبي و السبب مخالفة و القيمة زهيدة 200 درهم لكن هل هي سرقة او غلطه او شي آخر
الرجاء من له شأن يساعدني ويشوف لي صرفه.
ويلا اقولكم عطوني رقم ثاني جمعه بتصل به الصبح لان عندي اجازة باجر وابي افضحهم 
ذكرتني من فترة كنت ساير مرور الشارجه ويا ربيعي وانا قبلها بيوم كنت دافع مخالفاتي online فقلت بجيك اذا المختلفات اندفعت ولا لا
يوم جيكلي الموظف قالي عليك مخالفة وحده بس وانا عادي قلت يمكن مانتبهت لها لاكن وين الصدمه يوم قالي هالمخالفة من سنه 2003 فالشارجه!
انا سيارتي 2007 ومن سنة 2003 انا غيرت 3 يايير وحولت الرقم من سيارة لسياره في مرور دبي واذكر ان اخر مرة حولت الرقم على السياره شافو علي مخالفة في عمان (صلاله) ! جان اقوله في عمان بانت المخالفه كيف اللي في الشارجه ما بينت؟؟؟؟؟ يعني بالعقل والمنطق! وقلت له اول مرة بنقول مانتبهو وثاني مرة بعد مانتبهو لكن 3 مرات اغير فيها السياره مانتبهو لهاي المخالفة العجيبه؟
من القهر دفعت ولا ناقشت زياده!
لان ادري لو ناقشت بيقولولي سير ورد وسير ورد عالفاضي
بس الله كريم
أقصد السيارة ماشية 190كم فقط لحد الان.
اتصلت بهم اليوم الصبح وكل شوية اونه بنحولك للضابط و الضابط ما يرد
شرطة دبي رقود عطوني رقم قسم المخالفات ولا يردون
انا مب متفيج اسير دبي عسب 200 درهم والغلطه مب غلطتي ولا متفيج اسير مرور بوظبي (مذله) عشان 200 درهم ايضا !!
نحن في سنة 2008 و بعدنا نغلط هذه الغلطات التافه و المعروف الرقم ما ينصرف اذا على الرقم مخالفة !!
يعني المشكلة ما تنحل وانا في المكتب او البيت ؟؟
هذه اخرة الي يطلع رقم “بواسطه”
3 مرات صارت فيني هي الحركه اخوي قلهم المخلفه بأسم منو بجيكون على المخالفه بتطلع على المالك القديم فبيسحبون المخالفه وبحطونها على ليسن المالك القديم صاحب الرقم لا تشل هم