مشكلتي مع مصرف ابوظبي الإسلامي>>>أرجوا الدخول

9 thoughts on “مشكلتي مع مصرف ابوظبي الإسلامي>>>أرجوا الدخول”

1. أنا صراحة أتعامل مع مصرف أبوظبي الإسلامي

   وبكل صراحة يعتمد الفرع حسب مديره إذا كان مدير سنع وهاب ريح بتلقى الكل يشكر منه وإذا كان المدير روتيني ويؤمن بالبيرقراطية ومش عاطي موظفينه صلاحيات واسعة بتلقى الموظفين يخافون يخلصون العملاء.

   بس مقارنة بغيره من البنوك هو الأفضل نوعا ما،

   واحيانا كثيرة لابد أن تحضر معهم لكي تخلص نص معاملة ولابد أن تجدد أوراقك نسبة لأن السيستم لم يحتفظ بالأوراق والبيانات السابقة حسب قولهم.

   بخصوص الشكاوي وسيلة غير مجدية البتة والمضحك أنك عندما تدخل على الخدمة الهاتفية الصوتية وتختار خيار مثلا المعاملات المالية
   تذهب إلى نفس الأخت التي تحدثت عنها

   فتغير رأيك ترجع إليها مرة أخرى، تختار الإقتراحات تجدها أمامك …الخ

   يعني بصريح العبارة محد غيرها

   مرة حطوا موظفين جدد من دولة عربية كانوا يتلقون مكالمتي بنفس غريبة وكأنك قاعد تشحت فسألته سؤال قلت له أخوي بسالك : أنتتتتتتتت لييششش معصبببب دام ماتبا الوظيفة استقيل ولا تحطى ضيجتك وأنفاسك الملتهبة علي أنا العميل لهذا البنك.
   اصطلب حزتها وقال : لا ياأفندم انا مش معصب ولاحاجة!!

   المهم مرة رحت اعبي السيارة بترول قلت بجرب الفيزا رد علي الموظف قالي ماتشتغل قلت له شكرا وهذه فلوسك من ركبت السيارة يتني رسالة تم خصم المبلغ من الحساب!!

   اتصلت فيهم قالوا ماعليه بنرد عليك المبلغ بعد اسبوعين وهو الحين معلق لا ماأخوذ ولا متروك!!!

   طبعا راح علي المبلغ ومادري شو صار فيه.

   بعد من سوالفهم مرة بغيت فك رهن للسيارة قالوا لازم تجينا قلت لهم بياناتي كلها عندكم خصموا من الحساب المطلوب وبمر عليكم باجر عشان ماضيع وقتكم ولا وقتي
   قالوا إلا تي ولا ماشي معاملة بتاخذ 10 ايام!!!

   مرة صارت سالفة عجيبة اتصلت بهم على البنك واستفسرت عن معاملة معينة وكيفية اجراءها وبغيت اتأكد أكثر اتصلت للهاتف المجاني ردت علي الأخت سألتها طتني إجابة مغايرة بعد أن خلتني -ملطوع ومصفن- >>.كلمات مدقعة بالقدم امام الهاتف وبعدين ردت علي قالت كذا ، قلت لها حلو ، عيل ليشش الفرع يقول ما يصير ، قالت هم قالو ا كذا ، قلت لها نعم ، قالت لحظة وتميت اتريا فردت علي وقالت لا مايصير مادام البنك قال كذا!!

   قلت في نفسي هذه ليشش محطاية في الشكاوي مادام ماتعرف شغلها وتقلب الأمور الصح خطأ والخطأ صح….

   السموحة طولت عليكم

2. حل بسيط

   غير البنك

   هذا البنك تعبان في كل المواضيع

   مرة بغيت افتح حساب لبنتي وابو البنت موجود في السيارة فدخلت انا قسم السيدات لانه مافيه زحمه

   ويوم خبرتهم اني ابغي افتح حساب لبنتي قالو لازم ابوها يكون موجود

   رديت عليها انه ابوها في السيارة باخذ الاوراق وبخلي ايوقعهم وهم عندهم حد مثل الفراشة هندية تقدر

   تطلع معاي برع واتشوفه يوم ايوقع

   قالولي ما يستوي

   وهو بس فتح حساب فــ مابالكم اشياء ثانية

   

3. لا النبك المركزي نفع ولا الشكاوي و البث المباشر كل هذا مافاد

   شو الحل ياجماعه الموضوع صارله اكثر من اربعين يوم وكل يوم يقولولي باجر واليوم وباجر والاسبوع الياي، الشيكات فيهن رصيد ومب بأسامي اشخاص

4. انا اقول اول شي تأكد من الشخص اللي عطاك الشيكات هل المبلغ انخصم من حسابه ولا لا

   بعدين فكر تشتكي

Comments are closed.