اليوم كانت عندنا عزيمه

وحده من الحريم

يالسه اتخبرنا عن سالفتها الي استوت لها

ف السوبر ماركت الي عند محطات البترول

اتقول خذت كذا شي المهم الي ما خذتنه ب 15 درهم والي تشتغل ع الكاشير طلبت منها 20 درهم استغربت قالت انا عارفه قيمة الي شارتنه قالت لها ليش 20 قالت هذا الي انتي شارتنه المهم عطتها ال20 وقالت لها ربعتنا وين الرصيد قالت اوووه سورري مدام واتخسبقت تخسبيق قالت لها لا لا حسابج بس 15 ؟؟؟؟!!!!

وشوي الي وحده ثانيه من البنات ترمس اتقول كل مره اتسير مطعم للاكلات السريعه ما ابغي اذكر الاسم

والسندويش الي تطلبه من زمان واتعرف بكم طلبها دايما 23 درهم والي يشتغل قالها 27 قالت ليش قالها سعر السندويش الي طلبتيه 27؟؟؟؟؟المهم قالتله عطني الرصيد بشوف ليش زياده وانا من يومين ماخذتنه من الفرع الثاني ب23

ونفس السالفه اعتذر وقالها انه غلطان وحسابها بس23؟؟؟؟

جان تنطر اختي قالت والعثره اتعثرهم عيل السالفه الي استوت لي مب صدفه

سارت اتزور ربيعتها ف المستشفى وهي طالعه شرت كم غرشة ماي وكاكاو من المحل الي يكون ف المستشفى ايبيع كل شي ما ابغي اذكر الاسم

المهم وهي اتحاسب طبعا اختي ما تعرف بكم بس انصدمت قالت لها الكاشيره 45
ردت عليها اختي عنبوه شو ماخذه انا يمكن الكاكو ف المستشفى غالي

المهم حاسبتها وهي طالعه قالت لها عطيني الفاتوره بشوف بكم تبيعون الكاكو هذا …انا من برع اخذه ب 3 انتوا ما ادري بكم تبيعونه ؟؟؟

ايقولج الفلبينيه بججت عيونها قالت لها سوووووووووووري حسابج 22 درهم
والعثره تعثرها كم ضاربه عليها

وعلى فكره كلهم فلبينين ما ادري شو السالفه

اضني متفقين

يا بنات خبروا الي تعرفونه عنبوه هاي عزيمه وحده وطلعن 3 حريم مصادفتنهن نفس السالفه

لازم نحاسبهم واااايد يستغلونا ونحن ولا ندري بالدنيا

اللهم بلغت اللهم فاشهد

ام خليفه

22 thoughts on “مشكله في دبي ولازم نلقى لها حل بسرعه”

  1. دائما المواطنين يتعرضون لها لأن للأسف ربعنا بعضهم ما يجيكون الأسعار يقوله كم لو يقوله دبل السعر يدفع و هو ساكت .. لا المفروض تشيك السعر و تشوف شو مكتوب عليه قبل ما تطلع بيزاتك

  2. نفس الموضوع صار بس مب وياي انا ويا ريااال بعد ما اشترا راجع الفاتورة جدامهم وقااال كل مرة يشك فيهم

    ويوم راجع الفاتورة جدامهم طلع في غلط في الحسااااب واحتشر عليهم بس انا كنت اشك فيهم

    انهم يغالطونا في الحساب

  4. في ناس تدخل مطعم وأكلها كله يكلف 50 درهم تقريبا

    يظهر لها ما يعادل 20 % خدمة

    يعني 70 درهم

    ولهذا ما تروم تتكلم أبدا

    وبعد في منهم يتركون لليشتغلون فلوس

    انا الحمد لله إن كان في درهم واحد أتركه اما الباقي ما أترك شيء ، لانه أخذ حقه وزياده

  5. فعلا هالحركات قديمه ، وما يتعرض لها غير المواطنين
    المهم الواحد لايستحي يوم يوصل عند الكاشير وطابور وراه تاكد من الفاتورة وعقب روح لانهم الاسيوين عموما يستغلون الامور هذي
    وانا تعرضت لنفس الموقف في محل مشهور لبيع النعل وللاسف الكاشير من الجنسيه العربيه والسامان اللي اشتريته عليه خصم لاني احمل البطاقة الماسية الحبيب طبع فاتورتين وحده بخصم والثانيه من غير خصم …………..
    المهم اني انتبهت للفيلم اليي كان بيسويه وواجهته تم يتاسف وانه بالغلط طبع الفاتوره الاوليه من غير خصم…….؟
    يعني بالمختصر المفييييييييييييييد انتبهوا يوم بتحاسبون وخلو عنكم الخقه او المستحى

Comments are closed.