السلام عليكم
شحالكم ربكم الابخير ؟
اخواني انا عندي استيشن 6 سلندر 2004
وفيها مشكله سفايف من سنتين تقريبا
الصوت يوم اعطي بريك فضحنا 
غيرت السفايف وخليتهم يخرطون ادرامات
والمشكله بعدها ماراحت وفوق هذا كل ما
ادخلها تجييك اقولهم شوفوا شو مشكله ويقولولي خلاص كلش تمام وعند اول لفه اسمع ذاك الصوت والواحد الود وده مايعطي بريك
شو الحل يا جماعه الخير ؟؟ من وين المشكله
وعندي سؤال ثاني
طبلون موتري الثاني عطيته اخوي ويوم يت اشله لقيت
ولده مخبق لي الطبلون هل اقدر اغيره ولالا ؟ ووين اغيره
للعلم موتري ( فتك )
10 thoughts on “مشكله في سفايف الاستيشن”
Comments are closed.
بخطف باجر وبشوف بخصوص اقتراحك ماورانا شي خخخ اهم شي
صوت البريك يختفي وفضحنا والله اللي منزل الدريشه بيتصمخ ..
وبخصوص الطبلون الله يهديه اخوي عاطي ولده قلم يخبق به الطبلون
قوللهم السفايف اللي يحطونهن ينضفون الرصاص اللي فيه
لانه هالصوت يطلع دام في رصاص وايد
احيد كانت عندي نفس المشكله ويا هوندا اكورد
اركب سفايف وثاني يوم يفضحني بالصوت
كنت اسير ادورلي اي كاراج واخليه يبطل السفايف ويقعد يمسح طبقه رقيقه منه بمعنى اخر ينظفه عدل
وعقب يركبه
ويروح الصوت لين موعد التبديل ^^
بس على حسب الموتر لانه بالاكورد سفايفهن كان فيه وايد رصاص
ومادري هاللي قدرت عليه ياخوي ^^
تغيير الطبلون بيكلف وايد اظني
انزين دام انه مخبق حط عليه تلبيس
دورلك اي محل تجنيد وخله يلبس الطبلون ها احسن شي اشوفه
و اوفرلك ^^
up up
اللي عنده حل للمشكله مايقصر فينا ولا في كرااج يمدحه في العين او دبي
اخوي كله شغل وكاله الفطيييم عادي مايندرابهم
اصلي ولالا .. وكيف اعرف لو اصلي ؟
وبخصوص الدرامات توني تذكرت انهم مغيريينه لي
شهر 12 وعندي الفاتوره وامس رديت ادخلها بسبب
ثقل في السكاان .. ووديتها فرع الراشديه وهزبتهم
وقالوا بنجيك من اول ويديد وخرطي طبعا .. كالعاده
شكلي بدخلها تجيك البهوان
ههههههههههه
حلها بسيط
مره ثانيه يوم بتغير السفايف ركب اصليه وركب درامات يديده
وبخصوص طبلون الفتك مر صوب السكراب بتلاقي وايد