السلام عليكم ورحمة الله وبركاته ..
حياكم الله اخواني انا محتاج لمشورتكم ..
ابغي اخذ لي موتر يديد اهم شي من الوكالة ومحتار في السيارات
يعني بالمبلغ اللي عندي ابغي اخذ لي موتر والمبلغ هو من 250 الف حتى 270 الف ما يزيد عن هالمبلغ ..
شفت المرسيدس E 350 2010 قليل من اللي قالي خذها لان هالموتر صغير وحرام يندفع عليه هالمبلغ
شفت البورش كايين S 2009 من الوكاله 285 الف المشكله انه شكله بيتغير في 2011
X5 2010 مثل ما تعرفون انه سعره غالي وايد
اخر احتمال لي هو ستيشن Vxr V8 2010 بس اشوفه اكبر عن حاجتي له
فأبغي نصيحتكم منو عنده راي ثاني او يقنعني في الموجود
اكس 5 وانت مرتاح ………………….
يزاكم الله خير على المعلومات
اما بخصوص النيسان بيطول بينزل شهر 3 اخاف اصوم واصوم وافطر على بصله
واشكرك يا خوي بن دبي على النصيحه بس انا هب من هواة الأمريكي قولي ياباني ولا الماني
ما تقصرون
تبا نصيحتي سير وخذ لك كادلك اسكاليد 2010
escalade escalade 2010
شوف فيديوات عنها في اليوتيوب تراها احسن واريح واقوى واحلى واكشخ ولها هيبة اكثر من الاستيشن
وانا بعد اقوول انتظر النيسان اليديد 2010 …
او خذلك استيشن لكزس مستعمل موديل 2009 يمكن اتحصله بحدود 270 تقريباً او اقل شوية على حسب النظافه …
__________________
لاتستعيل اخوي خذ لك نيسان فتك 2010 شبابي شكله يديد ومابيتغير وشخصيه وعملي وكل اللى تباااه موجود فالنيسان وسعره يمكن يكون 235000 او 245000 ….. نـــــــــــصــــــــــيـــــــــــحــــــــــه اخوك دبلوماسي ^__^