السلام عليكم ورحمة الله وبركاته ..
حياكم الله اخواني انا محتاج لمشورتكم ..
ابغي اخذ لي موتر يديد اهم شي من الوكالة ومحتار في السيارات
يعني بالمبلغ اللي عندي ابغي اخذ لي موتر والمبلغ هو من 250 الف حتى 270 الف ما يزيد عن هالمبلغ ..
شفت المرسيدس E 350 2010 قليل من اللي قالي خذها لان هالموتر صغير وحرام يندفع عليه هالمبلغ
شفت البورش كايين S 2009 من الوكاله 285 الف المشكله انه شكله بيتغير في 2011
X5 2010 مثل ما تعرفون انه سعره غالي وايد
اخر احتمال لي هو ستيشن Vxr V8 2010 بس اشوفه اكبر عن حاجتي له
فأبغي نصيحتكم منو عنده راي ثاني او يقنعني في الموجود
خذلك لكزس فورويل 2009 مستعمل ملك في الشارع
او خذلك انفنتي فورويل 8 سلندر 2010
إذا حقك بروحك خذ تاندرا كوبي لون احمر ماعليها زود شغلت كزوز سستم وفلتر ويونيجب وبرمجه صدقني محد يقبضه في الشارع
الاسكاليد مشكلته اتحسه وايد ثجيــــــــــــل
………….
من كم يوم كنت في وكالة البي ام … اسال عن الاكس فايف .. قالي السعر 335 الى 360 … قالي من اتعزم برتب لك السعر
الي عيبني فيه ضمـــانه … 5 سنيـــن بدون تحديد الكيــلو … بمبـــر توو بمــبـــر
قالي بس عليك اتبدل تواير …
…………….
شوف اللكزس 460 العادي مب اللارج … اعتقد سعره قريب من ميزانيتك … اذا ماا زادوا سعـــر
…..
اذا اتفكــر في e class
انصحــك لكــزس جي اس 460
مكينه 4.6 … 8 غيارات … وقو الموتر ومشاااي
ماعندي فكره عن سعره
توكل على الله وخذ لكزس ولا استيشن ونته والخير رباعه
موفق بإذن الله … لك مني أجمل تحية .
اذا شبابي وماعندك عايله
انفنتي FX50
هذي بالنص لا انها صغيره مثل المرسيدس ولا كبيره مثل الاستيشن
وانا اقولك مثل bin dubai اذا فكرت تغير رايك فالامريكي مالك غير الاسكاليد
بـ 250 الف وريح راسك 5 سنين
والـ EXT صارت بـ 225 الف