السلام عليكم
اخواني انا كنت في فرنسا و شفت المطاعم و كيف الناس تقبل عليها
و شفت الاغلبيه عرب و اسيويين
حتى الاجانب شفتهم يروح مطاعم و يطلبون الاكل الحلال
والاغلبية فينا مجبور ياكل الكباب لانه مافي غيره
ففكرت انه ليش ما يكون في مطبخ و مطعم للاكل الخليجي مثل الهريس و المندي و المظبي في باريس المشروع ناجح بكل المقاييس بلا منافسه
لو في حد عنده راس مال او له معرفه بصاحب مطبخ شعبي او مطعم و يوصل له الفكرة انا مستعد اتواصل معاه و اشرح له الفكرة
الاقبال بيكون فظيع جدا جدا على الاكل الخليجي و الحلال
اتمنى حد تعجبه الفكرة و يتبناها و يتواصل معاي علشان اعطيه خلفية عن فرنسا و كيفيه تبني هالفكرة
شكرا على التواصل
للتواصل خارج المنتدى
00971508232050
اهم شي اخوي شي بنك اسلامي في فرنسا؟
وثاني شي كيف هي القوانيين يعني كم عدد الشركاء المسموح بالشركه
مثلا بالامارات الشركاء بالشركه ذات المسؤوليه المحدوده 50 شريك كحد اعلى وشريكين كحد ادنى
انت اذكر القوانيين والتكلفه والعمال مب بهذيك الصعوبه اللي تعتقدها انك تحصلهم موجودين وبكثره وبكل مكان وخاصة اذا قلت لهم انهم بيشتغلون في اوربا والمزايا اللي بيحصلونها هناك والرواتب
اللهم اغنني بحلالك عن حرامك
الموظوع مسوي له دراسه طيبه
و بالعكس المظبي و المندي و الطبيخ الخليجي مرغوب والله
انا ارمسك عن تجارب لي مع الاجانب الاغلبيه منهم زار الامارات و درب الهريس و اللقيمات و الثريد يوم يطلعون سفاري هالامور
و لو هالشي يتوفر لهم بيشترون
تدرون اقول لكم شغله بسيطه مثل اللقيمات بطلع لك ربح بالاف في اوروبا يوميا لانها سويت و خفيفه و مايبالها شي
صدقوني الاجانب صار عندهم انفتاح و تفكير جدا جدا سليم عن الاكل الاسلامي الحلال و خاصه بعد سوالف الانفلونزا مال الخنازير قاموا يتركونه علشان الامراض اللي فيه
والله يخوي الفكره وايد حلوه انا شفت مصري في قناة الجزيره
مسوي فرن متحرك صغير وكاتب فوقه حلال بالانجليزي والله ان الامريكان في نيويورك طوابير عليه المذيع يقول لوحده من متى وانتي تنتظرين قالت والله لي قريب الساعه انتظر بس مجبوره لان اكله نظيف وحلال وهي غير مسلمه يعني ماكلفه المصري اكثر عن 5الف دولار
نفس الشي تاجر مواشي فرنسي في فرنسا صار يذبح بالطريقه الاسلاميه وربحه فقط في عيد الاضحى وصل 5مليون يوروو
لان المسلمين ماشالله جاليه كبيره وهب ملاقين الي يذبح عالطريقه الاسلاميه
فشي اكيد اي شي اسلامي او عربي يربح في اوروبا بالتحديد المطاعم
بيت المضبي و المندى صح صغير بس دخله اليومي فقط فوق ال4الف درهم
باختصار اي مشروع فيه اكل وملابس يكون ناجح بنسبه كبيره لو عملت له دراسه جيده موفق ان شالله