السلام عليكم ورحمة الله وبركاته
لا تصدقون العنوان
وما هي الا طريقة يديده للنصب و الاحتيال يستخدمها الكثير من ضعفاء النفوس بهدف المكيده و اختلاس بعض المال من الناس …
اليوم في تمام الساعه 1:05 ظهرا ياني اتصال غريب من شخص غريب يقول اني ربحت مليون درهم
تفاجات وقلت هالعرض خلص من زمان من اتصالات و وكيف انا ربحت و اتصالات ما اتصلوا فيني شخصيا من خلال مكتبهم هب اتصال من موبايل !!
طبعا الشخص ما عرف شو يقول و هو يتحدث اللغة الانجليزيه بطريقة مكسره شويه …
قال بنتصل فيك بعد شويه
و بعدي اتريا اتصاله .. لوووول
خذوا حذركم يا جماعة الخير و العصابات في تزايد واضح خلال هالفتره و الله يعين الجميع ….
انا قلت بعد الاتصالات زط ماتطلع منهم نص ربيه !!!!!!
شكرا على التحذيــــــــــــــر
بس عرفت انه نصب واحتيال
تلقيت إتصال من رقم غريب
قلت
ألوووووووووووفرد عليه شخص هندي الجنسية رطننننننننننننننن وهذرب وقال اللي في خاطره
وأنا طبعا مب فاهمه شي بس كنت أباه يسكت عشان أقوله بياااااااااه ني
سمجتي
مب فاهمه شي ؟؟
سكت شوي فقلتله
كياه منتاه رووونق نمبر ( شو تبا الرقم غلط )
قال نهي نهي (لا لا ) هذا الرقم اللي انا طالبنه متأكد ,,, عد عليه الرقم طلع رقمي
قلتله تكلم انجليزي ما انا ما اعرف اتكلم هندي
عطاني شخص ثاني وكلمني بالانجليزي
قالي انا من إتصالات ,,, اكتبي الرقم 89971 في ورقة
واغلقي تيلفونج وتاكدي انه الرقم هذا مكتوب على البطاقه
اذا كان مكتوب فانتي بتربحين 500000 ألف درهم
وعاودي الاتصال على الرقم اللي طلبناج إمنه
طبعا سكرت عنه ويبت البطاقات اللي في البيت كلهن ولقيت الرقم مطبوع عليهن كلهن
عرفت انه السالفه فيها نصب واحتيال ؟؟
ما اتصلت ,,, رجع واتصل يلومني ليش ما اتصلتيبنا وليش وليش
قلتله تعال بخبرك اتصالات ما بتعين الهنود وبتخليهم يكلمون الناس بالهندي
عشان يقدمون عروضهم
للزباين والشي الثاني انته مب ذوق في الكلام اسلوبك مب اسلوب موظف
محترم
ببلغ عليكم الشرطه واتصالات
قال ني ني بيهن نهيييييييييييييييييييييييييييييي (لا لا يا اختي )
لا تخبرينهم ,,, قلتله ببلغ عليكم
سكرت عنه واتصلنا بشركة اتصالات ,,,, الحبايب قالوا بلغوا الشرطة
ورديت اتصلت بالنصابين قلتلهم اذا اتصلتوا بالناس بتشوفون شي ما شفتوه
طبعا كله خريط بس تهديد ,,, وتم الهندي يحاول يقنعني
ما اتصل بالشرطه وانا آسف وسامحينا ويقدم الاعذار والاعتذار !!
عاد مشكلتي اني ما عندي شوية جراءه عشان اتصل بالشرطه للاسف
اتحملووووووووووووووا من النصابين
النصب اصبح فن يتقنه الكثير
ويزينونه لنا بالاحلام الورديه