السلام عليكم ورحمه الله
اخواتي اخواني شحالكم وشخباركم ان شالله طيبين …
اليوم الله يسلمكم انا اللي ابي منكم خدمه 😉
اخواني مصممين المواقع والمنتديات ابي اسوي موقع وهالموقع بيكون للشركات اللي نزل اكتتابها ولنتايجها الماليه ونشاطتها وتطوراتها..
وبيكون الموقع لخدمة الشباب اللي ناووين يسوون شركات ويبون يسوون لها اكتتاب لان ماشالله اشوف اعلانات كثيره لشباب بخصوص ان بيأسسون شركات وان شالله نعرض اكتتابتهم على المساهمين اللي معانا وغيرهم ونوفر الدراسات عشان تتم المشاريع لان ماشالله اشوف ان الكثير عندهم افكار ممتازه..
وفي اللي يبحث عن الشركاء ومايبون اكتتاب ومشاركين كثيرين و الحمدالله بحكم العلاقات العامه مع الكثير من رجال الاعمال بيكون توفير شركاء لهم امر ممكن ان شالله
وفي نفس الوقت يكون موقع لتوفير الدراسات والاستشارات القانونيه والتجاريه..
لان للحين والحمدالله سويت عدة دراسات لبعض الاعضاء اللي طلبوا مني دراسات وسمحوا لي اللي تاخرت عليهم بس ان كل ما انتهي من دراسه لعضو ابتدي بدراسه لعضو ثاني لين ان شالله تتم الدراسات لكل الاعضاء
فابي اخلي الدراسات بالمنتدى مع افكار الجميع بعد
طبعا ماراح نوقف مشاركتنا في منتدى الامارات لان ماشالله تعرفت على الكثير من الناس الطيبين واصحاب العقليات التجاريه من هالمنتدى فشي طبيعي بتكون المشاركات بنفس المستوى هني بعد والموقع بيكون مكتب للشركات والاستشارات والخبرات
بس مناقشتنا وافكارنا بتبقى هني ان شالله
الموقع ان شالله بيكون متجه لكل الدول لان تجيني رسايل على الايميل واتصالات من اشخاص من الكويت وقطر ومن عمان ومن مصر والامارات والسعوديه والجزائر وسوريا والاردن والمغرب
والكل يقول لي عن فرص تجاريه في بلادهم فيكون الموقع مكان ان تنعرض هالفرص لان كل شخص يقدر يشوف الفرص اللي في بلاده وغيره مايقدر يشوفها فبيكون شي حلو لو الكل عرض عن الفرص اللي في بلاده
وللافكار الناجحه على طول بنتوجه لها ان شالله
فياليت من مصممي المواقع والمنتديات ان يخبروني عن الرسوم المطلوبه والتكاليف الكليه ..؟؟
لانشاء الموقع بالمواصفات المطلوبه ويكون منتدى وموقع بنفس الوقت….
وصحيح بعد ان شالله ابي اسوي موقع لكل شركه على حده بعد تدشينها يكون موقع رسمي للشركه..
هذا كل اللي احتاجه حاليا وبانتظار مشاركتكم وارائكم وافكاركم كلكم
invgulf@hotmail.com
تسلمون اخواني وماقصرتوا على هالعروض والنصايح الطيبه بارك الله فيكم
وان شالله قريب اتفق مع احد الاخوان بخصوص الموقع وراح اخبركم عنه ان شالله
اخوي مستثمر ظبياني تاكد اني بيكون لي وجود في موقعك ومش شرط صفحه بس بيسعدني ان اشارك في موقعك ان شالله وتسلم والله على عرضك وهذا من طيبك اخوي
الله يوفقكم واحرجتوني والله بخدماتكم ونصايحكم وماقصرتوا : )
اخوي نايف
انا عندي موقع تحت التدشين وبيكون فيه كل شي عن بيع وعرض ودعايات يعني شامل من مجاميعه ختى بيكون هناك باب لخدمة رجال الاعمال اللي يطلبون ولا يدورون على شي معين وانا مستعد اخصص لك صفحه باللي تباه
ومجانا عشان خاطر عيونك انت تامر بس
الله ايوفقك
اخوي نايف عطني مواصفات اللي تريده
ومني لك هديه
مع تصميمه وبرمجته
والشرط انه بيكون احترافي درجه اولى
المشكله عندي مواقع انا مسويها بس اصحابها مانعين علي عرضها في موقعي او اني انا اللي سويتها عسب العموله اللي ماخذينها
المهم ابشر وما كان له داعي هالموضوع اصلا
بارك الله فيك ومب غريب عليك هذا الشى .