السلام عليكم

هذي أول مشاركة لي في المنتدى بس صار لي شهووور وأنا أدخل وأقرا المواضيع. صراحة مواضيع حلوة

عالعموم في مشروع ودي أستشيركم فيه، المشروع هو مطعم أكلات شعبية (فول، مطبق …) عند سكن جامعي… المحل الموجود صغير وأجاره حوالي 35000 درهم، وفي حوالي 5 مطاعم غيره فاتحة عند السكن… وفي واحد من المطاعم يبيع كل شي ومنها هذي الأكلات الشعبية بس الجودة مش ولابد

وعشان أبعد عن المنافسة وأتميز فكرت بفكرة ثانية، الفكرة أخذتها من أحد المواضيع في هذا المنتدى، الفكرة هي مطعم هندي (من المطاعم الهندية الصغيرة) هالفكرة ماهي منتشرة في السعودية و أذكر انه سوقها كان ماشي ف الكويت… شرايكم؟ أول شي الفكرة هذي منتشرة بالإمارات ولا لا؟ وماشي سوقها ولا لا؟ اللي يقدر يفيدني بأي شي عن هالموضوع فجزاه الله خير

واللي يشوف ان المشروع الأول (مأكولات شعبية) أحسن بعد يقول لي.
وعلى فكرة المشروع الأول منتشر جداً وسوقه مش بطال، بس مافيه تميز

وجزاكم الله خير

14 thoughts on “مطعم هندي عند سكن جامعي”

  1. ناجحة الفكرة وتوكل ع الله

    سبحان الله حتى اليوم تعشيت في مطعم هندي

    اسمع عزيزي دور لك شيف هندي يعرف يجييب البراطة (خبز)
    لاتبحث عنه في الجوجل ههههههههه
    صح وصدقني لو عرف يسوي الخبز الهندي صح والقيمة والناشف المحل راح يمشي وراح تشوف الناس جاييين عندكم في الصباح والمساء والسبزي
    هذه اكله لذيذة عبارة عن (بطاط ..وباذنجان وبعض البهارات عاد الشيف ماراح يقصر ويعرف يسوي هذه الاكلة )
    حتى مشروعك او محلك يمشي لازم يكون العمال ذوخبرةويعرفون يسوووون الاكلات الهندية والكرك هو اللي بيمشي المحل
    عندنا محل في راس الخيمة للكرك والمحل هذا لو تمر عليه الحين تحصل اكثر عن 10 سيارات جدام المحل حتى انه شباب يجوون من العين ودبي وبعض المناطق المجاورة عندنا علشان الكرك

    جزاك الله خير على التشجيع أخي راشد، أنا اللي مخليني متردد إني كنت أسولف مع هندي وقلت له على الفكرة، وقال لي إنها بتفشل علشان أغلب السعوديين ماهم مختلطين مع الهنود والجنسيات الثانية… على عكس الامارتيين و الكويتيين (هو كان يشتغل في الامارات)، يعني النس هنا ما بيتقبلون الفكرة… طبعاً هذا رايه :kkww9: ماهو شرط انه صحيح، بس يمكن يكون صحيح

    وبالنسبة للشيف، ايش أحسن طريقة أحصله؟ تنصح أروح للكويت وأشوف المطاعم الهندية الزينة اللي هناك وأقول لهم يدبرون لي أحد من ربعهم؟ ولا عندك طريقة أحسن؟

  4. ناجحة الفكرة وتوكل ع الله

    سبحان الله حتى اليوم تعشيت في مطعم هندي

    اسمع عزيزي دور لك شيف هندي يعرف يجييب البراطة (خبز)
    لاتبحث عنه في الجوجل ههههههههه
    صح وصدقني لو عرف يسوي الخبز الهندي صح والقيمة والناشف المحل راح يمشي وراح تشوف الناس جاييين عندكم في الصباح والمساء والسبزي
    هذه اكله لذيذة عبارة عن (بطاط ..وباذنجان وبعض البهارات عاد الشيف ماراح يقصر ويعرف يسوي هذه الاكلة )
    حتى مشروعك او محلك يمشي لازم يكون العمال ذوخبرةويعرفون يسوووون الاكلات الهندية والكرك هو اللي بيمشي المحل
    عندنا محل في راس الخيمة للكرك والمحل هذا لو تمر عليه الحين تحصل اكثر عن 10 سيارات جدام المحل حتى انه شباب يجوون من العين ودبي وبعض المناطق المجاورة عندنا علشان الكرك

Comments are closed.