السلام عليكم ورحمه الله وبركاتهـ
مبروك عليك شهر رمضان …
أخواني ناوي اشتري سياره بس والله محتار اي سياره اختار …. محتاج حد يساعدني ياليت حد يعطيني اي نصيحه
للعلم انه ابغي سياره بحدود 250 الف
ابغي سياره عمليه لاني انا من خورفكان اسبوعياً خط من بوظبي لين خورفكان من خورفكان لين بوظبي من غير تمشية
ياليت تنصحوني
جزاك الله الف خير
تحياتي لكمـ
وعليكم السلام ورحمة الله وبركاته…
الله يبارك فيك … وينعاد علينا وعليكم بالبركه وتقبل الله صيامكم….
أما بخصوص السياره فأنته ما شاء الله المبلغ الي حاطنه كبير ويكفي وزياده ..
إذا 4*4 أنصحك باليوكن لأنه مريح عالخط ولايصرف أبدا” والسيرفس مب غالي مثل باقي الفور ويل… طبعا” هذا بعد تجربه وبعدين فيه التحكم الكامل من المقود الي يخليك منتبه في الشارع أكثر … والقوه يعجبك أقتصادي في المدينه يحول من 4 سلندر إلى 8 والعكس أتوماتيك على حسب دوستك لريس هذا من غير المزايا الأخرى مثل تشغيل السياره عن بعد وإذا تريد الطبلون بالعربي والفور ويل الأوتوماتك وغيرها بس فيه عيب واحد يخليك ترقد عالخط .
أما الصالون لكزيس طال عمرك أي نوع كلهم نفس المزايا يفرق بس الحجم والمكاين والكزيس حدث ولا حرج !
ومبروكه السياره مقدما” أيا” كانت.
.. السموحه ..
اخوي عليك بالكززس
Gs
سياره حلوه و مريحه
في 6 سلندر و في 8 سلندر
وانصحك في 8 سلندر لخطوط مريحه
تسلم اخوي ع النصيحه
افصل اني اخذ صالون
سياره 460 جيده بس سعرها غالي و قطع الغيار بعد غاليه
تسلم الغالي ع الرد
في انتظارد البقيه
عليك بالاستيش اليديد فول اوبشن
او خذلك لكزس 460 مستعملة
اهم شي سيارة يابانية تتحمل الخطوط وموفق اخوي