السلام عليكم يا أخوان.
إذا واحد يبي يشتري سيارة دفع رباعي حلوة وزينة. وميزانيته 180 ألف درهم تقريبا.
تنصحون بأي سيارة؟
يفضل الجديد من الوكالة. بس إذا في غير هالشئ بسعر ما يتفوت خبروني.
ولكم جزيل الشكر.
منقذ
13 thoughts on “مطلوب اقتراحاتكم. سيارة دفع رباعي على 180 ألف درهم؟”
Comments are closed.
استيشن جي اكس ار 8 سلندر 205
والله اني معاك على نفس القارب اخوي …
البارحة سوت وكالة الشفر اسال عن التاهو ..فل اوبشن مع كاميرا خلفية ونافيجشن ب 176 الف درهم وتوصل السيارة بعد شهرين من الحجز ..
فكرت فيها ومتردد
وسرت عند الارمادا لقيتها ب 168 الف درهم فل اوبشن ايضا مع كاميرا ونافيجشن ..اوسع من التاهو واقوى ..وعجبتني اكثر من التاهو
ورحت للفورد اكبيديشن ليميتد ..الصراحة نوع الليميتد شكلها رهيب ..مصابيح سود امامية والوجه كبير ومخيف ورنجات 20 انش كروم ونافيشجن وكيمرا خلفية ..بس عيب واحد خايس فيها ..ان الرقم واحد يجي فيه ثلاجة في الصف الثاني من المقاعد يعني بس اثنين يجلسون فيها ..ولو مب هالعيب كنت اشتريتها …
اليوكن الدينالي غالي وايد 215 الف درهم
والحين امسوين عروض نهاية العام موديلات 2007 يبدأ اليوكن العادي من 140 الف والدينالي من 170 الف ..الحق ما تلحق ..
واليوم انا ساير عندهم انشالله وبسأل عن الموديلات والاسعار والعرض هذا …
عندك بعد النيسان الفتك 185 الف بالنافيجشن وبدونه 175 الف …
الكروز ما انصحك بهالسعر ييب لك واحد سلق ..
عندك بعد الجمس اكاديا فل اوبشن ب155 الف جديدة في السوق …
الطوارق بعد ممكن ب 180 الف رقم واحد بس بدون نافيجشن ..
وبالتوفيق
يعتمد انت حق شو تباه يعني استعمال عادي ولا تبا تكرفه في الرملة ولا تبا تداعس ^-^
اذا تباه حق استعمال شوف اليوكون دينالي طبعا بدون شاشة اذا بهالسعر
بس حط في بالك إنه يمكن ما اييبلك سعر عقب (ولو إني اشوف إن كل السيايير صارت مثل بعض)
________
واذا ما يهمك تغير الشكل مثل ما قال اخونا شوف استيشن موديل 2007
اخوي اذا على المستعمل شوفلك استيشن 2007 8 سلندر واااايد حلوه
واذا عالجديد عليك بالتاهو