مطلوب R8 موديل 2008 او 2009 حالاً وتكون نظيفة والممشى قليل وطبعاً بسعر مناسب بعيد عن المبالغة واسعار المكاتب. والدفع كااش من غير عوار راس للبايع. ويفضل تواجد اوراق جمارك للسيارة. ارجو ارسال رسالة نصية على رقم:
TEL: +96566666693

Wanted Audi R8 2008 or 2009 + good conditions + low mileage + good price + have customs documents. PAY CASH

19 thoughts on “مطلوب اودي r8 موديل 2009 او 2009 كاش حالاً”

  1. اخوي سالم انت جالس من الصبح تشكك بكلامي على اساس عندك اودي R8 وما تبا يطيح سعرها طيب هذا حال السوق خصوصا سوق الاودي كل دقيقه يطيح سعرها مو كل سنه بعد

    وبالنسبة للاودي اللي في ام القويين انا راكبها السيارة من الداخل فول كاربون فايبر ما عدا السكان ومن الخارج فول كاربون فايبر بالماكينة والجوانب Side blades كاربون.. وانا بستأذن من الريال وبشوف اذا يسمحلي اعطيك رقمه

    واذا انت عندك اودي R8 انا عندي 3 بالكويت وعندي مكتب سيارات حاطهم آجار واعرف شنو مشاكل السيارة

    وبالنسبة للكفالة اذا خالصه الكفالة ما يمنع تسير الوكالة وتشوف اذا في مجال يجددون بالكفالة او في شركات تأمين عندنا في الكويت بتدفع لها حوالي 1200 دينار اي ما يعادل 15 الف درهم بالكثير ويكفلون لك السيارة عند الوكيل لو صار اي شي بالسيارة هم اللي يتحملون تصليحها بالوكالة شوف اسئل عن هالشركات التأمين يمكن عندكم بالامارات

  2. خيال المراجل انا عندي اودي واعرف السوق عدل وانا بروحي ادور اودي ثانيه لزميل ..

    اللي في معرض برنسس معروض من سنة تقريبا ومحد يبغيه .. ماعليه ضمان منتهي .. شو الفايده ؟ لا ووارد بعد ومعروفه الار 8 الجير علتها .. وانا عندي السيارة ومبدل قطع البيرنغ في القير ب 15 الف درهم

    ارسلي رقم اللي في ام القيوين .. مع اني متأكد انها اللي انا ركبتها وشفتها وهي مش فل كربون فيبر..

    320 الف على 2009 .. سعر روعه واذا انت ادور انصحك تاخذها

  3. يا خوي انا رايح ابو ظبي و الشارجة ودبي كل معرض شايفنه ..وكنت قبل اسبوعين جالس بمعرض الكتبي وصاحب المكتب قالي انه بايع البرونز موديل 2009 بـ 300 الف وين تقولي اسعارهم عال 350 الف الظاهر انت مو شايف السوق عدل ما شي طلب عالاودي

    اذا تبي في وحده اب ام القويين نظييفة ماشيه 20 الف موديل 2009 ابيض من داخل احمر فول كاربون فايبر Exclusive طالب فيها 320 الف وانا اشوفها غالية بس اذا انت تقول اسعارهم على 350 الف هذي على 320 روح اشترها.. واذا تبا رقم الريال راسلني عالخاص ومن عيوني

    واذا تبي ارخص بس وارد المانيا في بمعرض برنسس في ابو ظبي موديل 2008 رماديه من داخل اسود ماشيه 7000 كيلو !! طالب فيها 290 الف وفي مجال ينزل بعد .. واللي يبا رقم المكتب يراسلني عالخاص

    وصدقوني انا شايف معارض الامارات كلها ولحد يقولي اسعار خيالية. اللي ما يفهم بسوق السيارات لا يعلق رجاءاً

  4. البرونز انا كنت ابيها وراعيها المعرض الايراني وطالب فيها 350 الف

    الاسعار المذكورة في الموضوع خياليه ومستحيله لموديلات 2009

  5. عزيزي انا اشوف عارضينهم ب 350 موديلات 2009
    لو عندك وحدة (ما مبيوعه) و شايفنها خبرني عنهاا

Comments are closed.