السلام عليكم و رحمة الله و بركاته
كيف الحال ان شاء الله مرتاحين
اخواني اخواتي بغيت اي بطاقة مدفوعة مقدماً بحيث اقدر اشتري من الانترنت او حتى اسجل بالباي بال
المشكلة انا ما اقدر اطلع لي لأن عمري اصغر من 21 ^^”
فجزاه الله خير الا بيساعدني في محنتي
و عندي عرضين
العرض الاول :
راح ادفع له رصيد البطاقة + 70 درهم
العرض الثاني :
راح ادفع له رصيد البطاقة + عمل موقع اصلي له بالاسم الا يبغيه و تصميم كذلك ..
يمكن الواحد يستغرب اني حاط عروض مثل هذي بس والله تعبت .. مرات لو ابي اشتري شيء ب30 درهم اطر اعطي حق واحد 80 درهم علشان يدفع لي ببطاقته ..
في امان الله
الله يوفق اخووي
بس عمرك 21 اعتقد تقدر تضهر الي تبييه
وثاني شي تقدر تخلي حد من هلك المهم بينك وبينه ثقه يخوولك بالي تبييه
والاخوان ماقصروا قالو لك راسلهم ع الخااص وان شاء الله بيساعدوونك
اخوي راسلني على الخاص الله يخليك
ياخوي انته قصدك بطاقة اتصالات ولا بطاقة ماستر كارد!!
اخوي count fersen
من شوي اتصلت 101 واستفسرت منهم
قلتلهم اذا واحد عمره اقل من 21 يقدر يطلع بطاقه مدفوعه
قالي عادي مافي اي مشكله
بس يشل وياه اثبات هويه ويروح اتصالات وبيطلعون له بطاقه باسمه بدون مشاكل
بس ماقلتلي كم عمرك انت ؟
اذا بغيت اي شي راسلني ع الخاص بحاول اساعدك
الله يوفقك ان شاء الله اخويه
بس اذا انت حاب تشتري اي شي من الامارات فطبعاً ماراح تحتاج البطاقة بس اذا كان الشي خارج الدولة فهناك طريقة اخرى للشراء وهي عن طريق تحويل المبلغ بس لازم تكون هناك ثقة بينك وبين البائع وان شاء الله الاخوان والاخوات بالمنتدى ماراح يقصرون معاك