السلام عليكم..

ما خاب من استشار…بغيت مشورتكم يا الشباب..

ناوي اشتري سيارة سبورت مستعلمة…حاب اعرف الاسعار وبخصوص الوارد ..شو المشاكل المتعارف عليها لهذي السيارات..اسعار السيرفيس وخاصة major service واسعار قطع الغيار..واي نصيحة ثانية…طبعا غير قوة السيارة لان ما بتسابق بالسيارة

محصل مرسيدس SL63 وارد امريكا موديل 2009 ماشية 16 الف ( كم يسوى بالسوق ؟ )

بورش 911 Turno خليجي موديل 2008 ماشية فوق 30 الف ( كم يسوى بالسوق ؟ )

مايزراتي Gran Turismo S 2008(كم يسوى بالسوق ؟) .ما محصل بعدني لكن اغلب الربع قالولي لا تاخذ مع انها اكثر وحده خاطري..يقولي السيرفيس وايد غالي والسعر يدق…واليوم حصلت واحد من المعارض قالي العكس..السيارة ابد ما فيها مشاكل Major service مرة بالسنة ما يكلف وايد 10 الاف تقريبا..

فياريت لو حد عنده تجربة مع هذي السيارات يعطينه رايه….

مشكورين مقدما…

9 thoughts on “مطلوب راي خبراء سيارات SL63 و Porsche 991 turbo و مازيراتي جراند توريسمو”

  1. سلام للاخوان كلهم مجرد راي انا انصح بالبوووووورش استعمال يومي من سنتيين ما اشتكيت من شي بس الوكيل في بوظبي ماينفع مووووول والسموووحه من الشباب

  2. محصل مرسيدس sl63 وارد امريكا موديل 2009 ماشية 16 الف ( كم يسوى بالسوق ؟ )

    بورش 911 turno خليجي موديل 2008 ماشية فوق 30 الف ( كم يسوى بالسوق ؟ )

    مايزراتي gran turismo s 2008(كم يسوى بالسوق ؟) .ما محصل بعدني لكن اغلب الربع قالولي لا تاخذ مع انها اكثر وحده خاطري..يقولي السيرفيس وايد غالي والسعر يدق…واليوم حصلت واحد من المعارض قالي العكس..السيارة ابد ما فيها مشاكل major service مرة بالسنة ما يكلف وايد 10 الاف تقريبا..

    sl63 .. عموما انا عندي عقدة من المرسدس ومن كثرة اعطالها ..

    لكن السيارة فيها قوة واجمل مافيها الكشف.. خل بالك شكلها بيتغير كاملا بعد سنة ونص .. يعني تشتريها الحين نتبيعها السنة اليايه ولا بتصير جديمة وايد …

    امس ربيعي باع موتره وارد امريكا بحدود 350 الف ..

    بورش 911 توربو .. التجييكات اغلى من البورش 911 كاريرا … السيارة جميلة وحلوة وللاستخدام اليومي .. واقوى من المرسدس .. لكن في نفس الوقت شكلها بيتغير كامل بعد سنتين … دام نزل التوربو s … وفي فرق بين موديل 2008 واليديد ب جير pdk والاسطابات واليناح..
    الاعطال متوسطة .. ولو منك افضل الكاريرا العاديه < -- تعال انا ببيع وحدة هههههههه
    مازيراتي .. الاسوء من ال3 من حيث الاعطال … عادي تبند عليك .. او ماتشتغل من الاساس .. تخرف كثير .. وسعرها داون .. هي الاضعف بين ال3 .. لكن احلى مافيها صوت مكينة الفراري مودينا ..

    كشكل افضلها .. لكن يلستها جداً مزعجة والكرسي يااااااااابس حصى ..

    واذا تبا اي مساعده 21929e77 حاضرين

  3. موفق اخوي ..
    تبا الصراااحة رووح للي داشه خاطرك ..
    وربي بيسر لك امورك .. انشاء الله ..
    واحلى من بينهم المزراتي والمزراتي سامانها غالي لانها صناعة ايطاليا
    وثانيا هي الوكيل مالها الطاير ومعاملتهم جداً بطيئة .. وثالثاً هذي السيارة مال ويكند ما تنفع تستعملها كل يوم ..
    انا ولد عمي عنده مزراتي الاربع بيبان gts ما تشكى منها ابد بس اللهم استعمال خفيف ..

    والمرسيدس ما عليه كلام لكن زحمة منه في الشارع ..

    والبورش يا اخوي هذي اخف اعطال لان بورش معروفة اعطالها نادرة
    لكن اعتقد السيرفس اشوي غالي ..

    توكل على المزراتي ..
    حلاة الشي في ندرة وجوده ..

Comments are closed.