السلام عليكم ورحمة الله وبركاته
بغيت لابتوب توشيبا اللي يشترونه من كليات التقنية..
انا ماعندي قدرة على سعر اللابتوب من الكلية وسمعت انه عادي اخذه من اي حد كان فالكلية من قبل..
اللابتوب نوعيته توشيبا..وهو من نوع التتش سكرين
اذا حد عنده اللابتوب
ياريت يراسلني عالخاص او عالعام..
الحين إجباري الطالب يشتري اللابتوب..
منوه عنده هاللابتوب ويبا يبيعه
مب شرط .. اللي أعرفه إنه لو خذت لاب توب من خارج الكلية .. بنفس المواصفات .. وتييبه الكلية وتدفع تقريبا 350 درهم للبرامج وضمان الكلية للاب توب .. راح تمشي معاك ويمشي قبولك وتتسجل في الكلية .. حسب معرفتي السابقة لأني كنت طالب في كلية التقنية وشفت شباب كانوا يسوون جي وماشيه امورهم ولله الحمد .. أما فالوقت الحالي ما أدري إذا إدارة الكلية (لا تعليق عليهم) رفضت الطلبة جي يسوون .. فما عندي أي علم
والسموحة
اللابتوب ضروري يكون من طالب او طالبه في التقنية او كانوا فالتقنية..عسب التقنية يوافقون عاللابتوب..لأأنهم مايوافقون على لابتوب مب ماخذينه من عندهم..
وعليكم السلام ورحمة الله وبركاته
صباح الخير اخويه
بخصوص طلبك .. راح تحصله ينباع في:
إذا من دبي
مركز العين .. مجمع تجاري خاص للإلكترونيات
وفيه جميع مستلزمات الكمبيوتر سواء الديسك توب أو اللاب توب
وإذا من بوظبي
شارع إلكترا .. خلف سينما الدورادو
شيء محلات كمبيوترات بالهبل
والسموحة