السلام عليكم ورحمة الله وبركاته
إخواني وأخواتي أعضاء منتدى الإمارات للأوراق المالية
طلبي مبين من عنوانه ، صارلي فترة أدور على مكينة غسيل السيارات الصغيرة المعروفة باسم High Pressure Washer اللي تستخدم في مغاسل السيارات الحديثة والبسيطة ، وهالنوع يمكن إستخدامه في المنازل في غسيل مساحات واسعة داخل المنزل ، ويمكن بعد استخدامه في غسيل السيارات في البيت من غير ما نسير المغسلة
فأتمنى اللي يعرف أفضل الأنواع يدليني على مكانها وتكون مضمونه وعالية الأداء
واللي ما يعرف هالنوع من المكاين ، هذي صورة بسيطة لبعض الأنواع منها
والسموحة إذا بتعبكم معايه ، وبانتظار مساعدتكم
اخوي انا اشترية وحده من السوق الصيني الي في دبي الصراحة حلوة وكل يوم انغسل خمس سيارات
وسعرها370 وعليها ضمان ست شهور
هوب هوب
واحد والله واحد ، مب وحدة إختي العنود21
ومشكورة على النصيحة بس اللي تنباع فكارفور نوعيتهم عادية ، 6 أشهر أو إن كثر 8 أشهر وعقب تبدأ خراباتها ، وعاد دوري على محل لقطع الغيار الغير متوفر لهالنوعيات اللي تنباع فكارفور ، للأسف ما راح تحصلين
وطبعا بلا شك ، ربعنا جربوا الصناعة الصينية والتايلندية والكورية ، للأسف بعدهم قيد التطور !!
ومشكورة مره ثانية وما قصرتي
جاري البحث …..
هالنوع من المكاين موجودة في عدة أماكن أشكال وأنواع . يعني الكارفور موجودة ومحلات الأدوات الكهرابائية الكبيرة تحصلين وكذلك بعض محلات بيع أدوات البناء .
بس نصيحة مني … لاتشترين صيني أو تايلاندي .
بالتوفيق
مشكور اخوي بن وطن على الرد بس ممكن تحط لي مواصفاتها اللي عندك !؟
من ناحية حجمها ، وقوتها !؟ وكم سعرها تقريبا !؟
وعلى فكرة ، مكينة عن مكينة تفرق ومحد نصحني أشتريهم من المجمعات التجارية لأن الأسعار تكون غالية ع الفاضي وماشي أداء في العمل
الرجاء من الإخوان والأخوات من لديه أي معلومات عن هالمكاين يحط
المواصفات + سعرها وموقع المحل اللي راح تكون متوفره عنده
والسموحة
رووح الايس هارد وير اللي في الفستفال سيتي وبتلقى عندهم مكاين غسيل السيارات من كل الانواع انا ماخذ عندهم مكينه من سنه تقريبا