السلام عليكم ورحمة الله وبركاته
أخواني تقدمت بطلب بطاقة النت من بنك أبوظبي الوطني وهي بطاقة مدفوعة مقدماً للشراء من النت ، وبستلمها الأسبوع القادم.
المهم ….
بغيت مواقع ثقة للشراء منها وتوصل مباشرة للإمارات كبداية ( اكسسوارات نسائية ورجالية واكترونيات ).
شاكراً لكم جهودكم في المنتدى
=========
هل في امكانية للشراء من الصين عن طريق النت ؟؟
للرفع><>>>>>>>>>>>>>>>>
هذا موقع مفيد جدا
ط¯ظ„ظٹظ„ ط§ظ„ط´ط±ط§ط، ظ…ظ† ط§ظ„ط§ظ†طھط±ظ†طھ
صاحبه له باع طويل في النت
و ها موضوع طويل بس فيه فوايد وااايد
[ظ„ظ„ظ†ظ‚ط§ط´] ظ…ط§ ط±ط£ظٹظƒ ط¨ط§ظ„ط´ط±ط§ط، ط¹ظ† ط·ط±ظٹظ‚ ط§ظ„ط§ظ†طھط±ظ†طھطںطں ظˆظ‡ظ„ ط§ط´طھط±ظٹطھ ظ…ط±ظ‡ ظ…ظ† ط§ظ„ط§ظ†طھط±ظ†طھطںطں – ط³ظˆط§ظ„ظپ ط³ظˆظپطھ
الله يوفقكم
اخوي وبزيد على كلام الاخوان موقع eBay افضلك تشتري من بايع يكون موثوق يعني نسبته الاجابيه تكون 95%
وامازون تعاملت معهم مرات عديده وماقصروا وخدمتهم 100%
بس العتب على جماركنا بارد !!! وسنه لين مايمشي اللي طالبنه
وامازون فيه موقعين الاول الخاص بامريكا والثاني الخاص بـ بريطانيا والدول الاوربيه
وطبعا امازون مايشحن للخليج لازم يكون عندك بريد في امريكا وبريطانيا (ارامكس) ..
وبعد الجمارك ياخذ من قيمه اذا زادت عن 150$ .. 5 %
وهالمواقع اللي انصحك فيها ..
Amazon.com: Online Shopping for Electronics, Apparel, Computers, Books, DVDs & more –
Amazon.co.uk: low prices in Electronics, Books, Music, DVDs & more
B&H Photo Video | Digital Cameras, Camcorders
Digital cameras, all other cameras and everything photographic from Adorama Camera
eBay – New & used electronics, cars, apparel, collectibles, sporting goods & more at low prices
وتاكد انك يوم بتحط بيانات الفيزا تكون الصفحه محميه
مثال على صفحه مب محميه :
http://uaesm. maktoob .com/v b/uae215985-2/
مثال على صفحه محميه
https: //uaesm .maktoob. com/ vb/uae215985-2/
ولا تفكر تشتري عطور لانهم مابيشحنونها لك ..
1- إشترك في بطاقة بنك أبوظبي الوطني (مع إني ما أحب البنك بس مجبور) إلي إسمها (Surfer Card) ,, مثلا أنا عندي حساب عندهم و أشتركت في البطاقة ,, البطاقة تشتغل على اي موقع في العالم لإنها ماستر كارد و شغالة 100% على جميع المواقع ,, بكل بساطة وقت ما تبا تعبيها يا أنك تسير الفرع و تعبيها أو انك تعبي عن طريق موقع البنك ,, يعني الحلو في البطاقة حتى لو انصرقت مثلا بالانترنت ما يقدرون يسوون فيها شيء لإنك إنته إلي تعبيها (غير مرتبطة بحساب معين) ,, دوم عبي على المبلغ إلي بتشتري فيه. (عليها إيجار سنوي 50 درهم)
2- تسويلك حساب (Paypal) ,, هاي تعتبر أأمن وسيلة تسليم و إستلام أموال في العالم ,, إنزيــن ليش ؟؟
إنته تعطي باي بال كل معلوماتك و تسويلك أكاونت ,, مثلا تبا تطرشلي 100 دولار ,, بكل بساطة تدخل بحسابك الباي بال و تطرشلي من حسابك على حسابي ,, بدون ما حد يشوف معلومات الثاني أو بدون ما الموقع يشوف معلوماتك ,, و الحلو في باي بال ,, في حالة إنه حد نصب عليك او ما طرشلك مثلا الغرض إلي إنته طالبنه أو مثلا طرشلك غرض مكسور أو مب شغال ,, تقدر تشتكي عن طريقهم و هم بيحققوون في القضية لإنه الشخص إلي بتطرشله البيزات لازم يكون عنده باي بال بعد (لعلمك أشهر موقع بيع و شراء في العالم إلي هو eBay ما يقبل تحويل الإموال إلا عن طريق Paypal ) أو ترمس البنك (قسم الاونلاين) و هم يكلمونهم و يردون فلوسك !
3- إشتري من المواقع المشهورة و المعروفة فقط و دوم إدفع عن طريق الباي بال ,, معظم المواقع الموثوق فيها يكون فيها مثلا علامات تحت ( VeriSign, Trusted)
4- نصيحة مهمة جدا: ركب متصفح فايرفوكس (أأمن و أسرع متصفح للإنترنت) و ركب عليه إضافة تخبرك إذا الموقع موثوق فيه أو لا
لتحميل فايرفوكس: Firefox web browser | Faster, more secure, & customizable
لتحميل الإضافة بعد تركيب الفايرفوكس (إفتح الموقع في فايرفوكس): McAfee
SiteAdvisor – Firefox Extension Download
5- إشترك في خدمة Shop&Ship من أرامكس ,, يفتحونلك بريد في أمريكا و بريطانيا ,, يصير أسهلك و أرخصلك توصل الأغراض هناك (بعض المواقع أو الأشخاص ما يقبل يوصل لدولة الإمارات و حتى لو قبل بيكون وايد غالي) و عقب أرامكس ييبونها هني .
السلام عليكم ,,,,
الصراحة أخوي بطاقة بنك أبوظبي الوطني ماتنفع وبتلعوزك أنا كملت عندي قرابة الخمس سنين ودوم كنت في مشاكل معاهم لين العام بس لغيتها إللا إذا الحين طوروها مادري بس لين العام بصريح العبارة وأسمحولي على الكلمة البطاقة هاي زبالة والسبب أن كثير من المواقع ترفض التعامل مع هذي البطاقة، اما عن استعمال البطاقة في المواقع الصينية خلك حذر جدا لأنها هب امنة وقليل اصلن إللي يتعاملون بالبطايق الأغلبية عن طريق الويسترن يونيون.
الأخ اتكلم عن الأشتراك في شركة أرمكس وأنا معاه مع انهم زادوا اسعارهم وايد بس يعتبرون الأرخص والأفضل في التعامل ومتابعة شحنتك.
الأخ أي بنك ممكن يعطيك بطاقة حتى لو كان حسابك هب عندهم بس المشكلة هب هني أهم شي في الموضوع الطريقة وأنا صراحة أرشح عن طريق الوديعة وهي أنك تروح أي بنك وأنا أفضل في هذه الطريقة بنك دبي الإسلامي للي مشترياته بسيطة (يعني مثلا في ناس يخلص اللمت مال البطاقة ويعبيها ثاني مرة في الشهر الواحد من 3 إلى 4 مرات) فاللي مشترياته بسيطة علية ببنك دبي الإسلامي يقولهم بحط عندكم وديعة وباخذ مكانها بطاقة فيزا وانته تحدد الحد مالها هاي الطريقة آمنه ولا تتدخل في راتبك وكل ماتخلص الرصيد تقدر تعبيها ولا عليها رسوم إذا شريت من النت، تحسب عليك رسوم فقط إذا سحبت من المكينة وعند تجديد البطاقة وللعلم أغلب البنوك عندهم هاي الطريقة بس الناس ماتدري عنها لكن كل بنك له طريقة فيها وأنا أفضل دبي الإسلامي.
أخواني في شي مهم في الشراء عن طريق النت اغلب الناس ما تدري عنه وهو صرف الدولار، لو تسأل ولد صغير عن سعر الدولار مقابل للدرهم بيقولك 3.685 كحد أقصى لكن انته شوف بنوكنا كم تحسبلك صرف الدولار انا أريد من الجماعة اللي تشتري من النت تحسبها عشان تعرف بنوكنا كيف تستغفلنا والمشكله يوم أتكلمهم يقولون شركة الفيزا هي إللي حددت سعر الصرف، الغريب في الموضوع وفي أسبابهم أن الشخص اللي بيشتري عن طريق النت بيشتري بالدولار وشركة الفيز تريد المبلغ بالدولار ماتريدة بالدرهم يعني بالعربي منو اللي يحولها الدرهم إلى دولار!!!!!
وللعلم أخواني من واقع خبرتي وليس للتفاخر انا صارلي اشتري من النت على ما أذكر من 1998 وجربت بطايق كثيرة وطرق شحن كثيرة ولكن أفضل طريقة فتح بريد في أرامكس واستعمال بطايق الوديعة وحاولوا أخواني تتجنبون أن تكون مشترياتك مع قيمة الشحن في الفاتورة الوحدة أكثر من 999 درهم عشان تتجنب الجمارك.
السموحة منكم على الإطالة