السلام عليكم ورحمة الله وبركاته
اخواني مطلوب Scirocco او Golf GTI
او
تكون نظيفه ومب ماشيه وايد
اتمنى ذكر الموديل واللون وكم ماشيه والسعر ؟؟؟
التواصل على الخاص
واذا في حد مستخدم وحده منهن .. هل فيهن عيوب او اعطال ؟؟ وكيف صرفيت البترول ؟؟ لاني اريد سياره حق خطوط
والسموحه منك
مرحبا اخويه
انا عندي الشيروكو
ماشاءالله عليها فنانه وحلوه
وسيعه من ورى صح انها كوبي بس وسع فيها
وصرفيتها حلوه اعبي التانكي فول ٩٥ خصوصي وفي الخط امشي ١٦٠ تصرف اقل عن الربع من العين بوظبي
وعزمها حلو وانا عن نفسي مرتاحلها
ماجربت القولف بس الشيروكو وايد حلوه وشكليا مب لانها عندي بس لاحظت الشكل قبل لا اخذها شفتها احلى
وصدق الفتحه الي فوق تتبطل على فوق ما تفتح كامله
وبخصوص سالفة انك تقدر تتحكم هذا ماشي عندنا نحن في الخليجي في الوارد يمكن
وفي لها كت abt وفي كت ريجر اسمه اعتقد حلو وانا اتشاور على الريجر
وضمانها ٣ سنوات مفتوح الكيلو
وسعرها في وكالة علي واولاده ١٢٩ اعتقد او ١٢٨
وفي دبي اغلا بس عرضهم سيرفس مجاني لين ٤٥ وتامين شامل
اعتقد سعرهم ١٣٦ ( هاي اسعار رقم واحد)
وفي علي ما بتحصل جلد وتحكم الكراسي يدوي بس في دبي بتحصل
عن نفسي عندي جلد وولد خالتيه عنده المخمل
الجلد بيلعوزك لانه حر وبتعرق بتم الكندوره قافطه هههههه بس المخمل يمدحونه
هذا الي اعرفه عن الشيروكو واذا عندك اي سؤال تراني حاضر
وعلى فكره تجييكاتها كل ١٥ الف
وياك انشالله
بخصوص اشيروكو
تراها اتي باب واحد ماشي فرق فلمواصفات بس اشيروكو اتي فيها ميزت انك اتروم تتحكم في الجانبينات من ناحيت الاسبورت او المريحه
والشيروكو ترها المكينه الجديمه يعني 200 حصان والقير الجديم
بس gti مكينتها 211 حصان وقيرها dsg
اليديد
الشيروكو الفتحه الي فيها ماتتطبل وايي عليها الجلد البني
والله واعلم