السلام عليكم ورحمة الله وبركاته
بسم الله الرحمن الرحيم
معاناتي مع مكتب البجعة للعقارات,في عجمان
في شهر 8 2008 اشترت من عندهم شقة في مشروع كونفورت تاور…
وبداية هلسنة نويت اكنسل الحجز واسترجع افلوسي الي دفعتها…
اتصلت بلوادي الاخضر للعقارات وقلتلهم اني بكنسل الحجز لانه الوادي الاخضر هو الوسيط للبجعة للعقارات وقالو لي مر عندنا عسب انخلص معاك.. مريت عندهم وكتبلي الموضف على اورقة بيضة اني ناوي اكنسل واسترجع افلوسي ووقع عليها … وقالي ود هلورقة للبجعة للعقارات وقولهم انك بتكنسل الحجز…
ومريت عليهم وخبرتهم وخذو عني نسخة من الورقة..وقالولي بنرد عليك ول حد رد عليي..
وبعدين قالولي :تتحمل 10% خسارة من المبلغ المدفوع… يوم قلتلهم ليش قالو كل مكان جيه .اذا نويت اتكنسل… وللعلم انا ماوقعت على العقد الي بغوني اوقع عليه قبل… والي على قولتهم مكتوب فيه اني اتحمل 10% من المبلغ…
المهم قلتلهم اتردون لي افلوسي كلها..ومابينا عقد عسب اتحمل هلشي…
ومافي شي يجبرني على اني اخسر هلمبلغ… عطيتهم مهلة اسبوعين… وبعدين اتصلتبهم…
وقالولي انه هلمشروووع مافيه الغاء حجز … يا اني اسويلها اعادة بيع.. ولى اني اكمل ادفع باقساط مريحة..
كيف يدهنوونك يوم يبونك.. ويحرقووونك يوم تباهم..
نصيحتي للكل لحد يغامر وياخذ من عندهم شي تراه بيندم مثل ماندمت يوم خذت من عندهم…ز
ووممكن نصيحة من اهل الخبرة…؟؟؟؟
كيف اتصرف وياهم وارد افلوسي.. ولا اتحمل شي من هلخساير؟؟؟؟
وللعلم ماوقعت على العقد الي فيه قوانيينهم الي تشييب الراس..؟؟؟؟؟
وكيف اشتكي عليهم ووين؟؟؟
وسلامتكم
اتصلبي على هالرقم 0503333503 وفالك طيب الغالي
شل 90% و اركض ركض .
الناس تدور حي بكنسلة 25% من مطوريها مايرضون الطورين يعني 10% في ظل هالزمه يعتبر مكسب .. !
الله يوفق الجميع
لاكني ماموقع على العقد ول شفته
اخوي الحق على عمرك وعطهم 10% من فلوسك وافتك ..!!
لان اللي صاير الحين بسبب الازمة مب طبيعي وشي يخوف…
وعجمان من قبل عقاراتها غامضة بسبب الكهربا فكيف الحين في وقت الازمة…!!!
وانا برأيي اشوفه عرض ممتاز…لان سالفة تكنسل الحجز مب هينه..
وشي من المطوريين ياخذون 30% وشي منهم ياخذون الفلوس كلها ..يعني على حسب العقد اللي موقعنه..
انت جرب وشوف اذا بيرودن فلوسك في حالة ياخذون منها 10%….
وما اريد أصدمك ..
واتوقع الحين اذا قلت لهم راضي انهم ياخذون 10% مااعتقد بيرضوون بعد .. وأكيد بيطلعون لك شغلة ثانية…
وبالتوفيق