السلام عليكم يا اخوان
وأسعد الله مساكم ….
بغيت اخبركم انه في محل انعرض علي للشيل والعبايا للبيع فالعين ومساحته كبيره وفموقع ممتاز بعد
وانا سمعت عن مشروع الشيل والعبايا يكسب ذهب وخذت الفكره على محمل الجد ورحت اشوف المحل
وبصراحه عيبني وديكوراته بعد روعه .. يعني لو خذته مايبالي ابدل في شي بالمره ..
المهم سرت افاوض صاحب المحل اول سؤال سألته .. ليش تبا تبيع المحل .؟؟
قال ما افهم فشغل العبايات .. وللعلم هو مفتوح من سنتين
وقالي اذا مالك فهالشي لا تدخل بتخسر ولا بتجني شي من وراه
الريال حطمني والله 
مع اني سمعت انه شغل العبايا وايد وراه فايده
اممممم
وبسسسس …. بغيت رايكم فالموضوووع ماعرف شسوي 
للاخوان اللي استفسرو على الخاص حبيت اقولكم اني هونت عن اخذ المحل بعد مفاوضات مع صاحبه
لانه طلب فيه مبلغ وهو 700 الف اما اللي حاب يكمل مفاوضات معاه ويعرف تفاصيل اكثر يخبرني وانا
بفيده انشالله
ماشاء الله عليج وبالتوفيق يارب _________ فولك دبي _________
ياخوية انتة وايد تتردد استخير واكيد بترتاح ولاتنسى دراسة جدوى للمشروع تراها وايد مهمة وبالتوفيق يارب
اختكم
المستثمرة
مشروع العبايات مشروع ناجح وعن تجربه ب يبالك شوية خطوات عشان تنجح فيه….خاصة العين موقع ممتاز لانه قريب من عمان و معظم العمانيات من بريي و مسقط والخ يروحون العين و يشترون عباياتهم …..اقدر اعطيك بعض الخطوات و عن تجربة ممكن تفيدك…
1- لازم انت بنفسك يوميا تمر الخياط اخر الدوام وتشيك على الفواتير و المبالغ وتوزع المبالغ تحط منها كسيولة ((خردة )) في المحل.. يعني مال خردة 500 عشان الزباين تنرد لهم الخردة يوم يدفعون…وتسأل الخياط شو ناقص من خيوط و ادوات وتابع بنفسك…ولازم تاخذ لفه على السوق و تاخذ افكار عن اسعار الخيوط والخامات..,باقي البيزات شلهم و الصبح دخلهم في البنك في حساب خاص بالمحل…
2- لا تبين لهم انك ما تعرف شي…عشان ما ياخذونها عليك نقطة ويستغلونك….لو ما تعرف بين لهم انك تعرف…عشان يخافون…ويسوون لك الف حساب…وشوي شوي بتتعلم
3- راعيه ما عنده سالفه يقول لك بحط مندوب يروح دبي….لانه المحل الناجح لازم روحه يتميز بموديلاته و يديده…حط لك روحك مطرزين و نوع بالشغل والاسعار…لكن لا تجازف تبيع الرخيص الرخيص مع الغالي الغالي…اما انك تكون في الوسط…او انك تستهدف طبقة وحده اما الرخيص او الغالي بس لاا تجمعهم…فخلك في الوسط احسن…
4- حاول كل شهر تنزل من 4-5 موديلات يديده اقل شي…ونوع من الشغل الخفيف والشغل الثقيل..
هاللي في بالي الحين لو تذكرت شي بخبرك….واذا عندك اي سؤال لا تتردد
وبالتوفيق