عندي سؤاااااااااااااال … له الدرجه … عنا شباب في البلاد منحطين … وما يخافون لا على عمارهم ولا على عيال الناس …
اليوم من صباح الخير … وانا سايره امشي اغير من روتين البيت اليومي المهم وطبعا انا يوم امشي ما يخصني في حد لو ان شاء الله اشوف جثه جدامي ما اسويلها اعتبار ..
وسبحان الله اذا احي بضيقه لازم يستوي شي ..وانامن نشيت احس بضيقه واقول يا عسى خير وعسى خير ..
وشفت سياره من طاحت عيني عليها وانا اطااااالعها اطااالعها لين ما وصلت عندها والا اشوف واااااحد يصورنا بكيمرة فيديو
نعم … 
حريم يتمشن وانا سويت عمري ما اشوفه … ومشيت عنه … بس حيّة افااااد … انا احترق من القهر وهو يصور وهو مرتاح … والله ما افوتها له … وعقولة الوالده دوم توصينا … حد احشمه .. وحد احشم عمرك عنه … وانا والله لو لا الحشمه جان جلبت الدنيا عليه… خذت رقم سيارته … وخلاف خبرت الوالده واصرااااحه ما قصرت … قلت خله حد ما ايي بلعين الحمرا ..
هذا اذا هو ولد البلاد سوى جيه … كيف الغرب ؟؟!!
وشو بيستفيد يوم بيصورنا ونحن نمشي .. شو المغزى يعني؟؟ با اعرف
قهرني والله .. ما يستحي ولا يخيّل … بلغت عليه الحمدالله .. ولاااااااا بعد اللي مصور كل يوم يتريض في نفس المكان .. تخيلي … وكل يوم اتلاقى وياه ويه بويه … ولا يخصني في حد كافيه خيري وشري وله عين يصور بعد ؟!! ماااااااا يستحي
يالله بالستر جان ما نشوفج باجر في اليوتيووب
دووم و الله سوالف التصوير و الا مره اتصلنا للشرطه قالو و الله تعالو انتو و هاتوهم و سوو بلاغ!! قتلهم نعم؟؟ و اييبهم؟؟ شقا اييبهم بعد؟؟
الله يعينج و ان شاء الله يزخونه و يتأدب الخمام
اللي ما يخاف من الله كل شي ممكن يسوي معاج حق تعصبين الصراحة شي يقهررررر أحسن شي سويتيه إنج بلغتي عنه خله ياخذ جزاه ويتأدب ويكون عبرة لغيره .
الله يهدي الجميع … والله لو حد سوا نفس الحركه في هله بيجلب الدنيا اما بنات الناس نفاد … ياما بنات انظلمن عسبة ناس تافهين..
والله زين تسوين اخي …شكله شايف شرف الناس لعبه بيده…
ونفس هاي السالفه استوت صوب حديقة الصفا وانا يالس امشي على الحديقه شي حرمه شافت واحد يصور من داخل موتره وبلغت عليه في نفس اللحظه وانا توي كملت اللفه الاولى اللي الدوريه توها واصله لانه شي دوريه مكانها صوب الحديقه والصراحه عقب ما اعرف شو سووا وياه….
الله يهديهم بس….