معصبه على السريع

صباح الانوار صبايا و شباب

على السريع بفضفض 1 2 3 << استعدااااااااااااااااااااااااااااااااااااااااااااا ااد << ابتدي << مال اول لوول

1.معصبه من الدعايات الفاشله اللي يحطونهم حق العرب في التلفزيون..جنه العربي مخه على قده و يسووله دعايه على قد مخه…و الاجانب عندهم احلى الدعايات و الدليل تلفزيونات الفنادق يوم تسافرون << لا تلومونها خريجه تسويق << بس فعلا هالشي رافع لي الضغط << تأثير كثر اليلسه في البيت

2. معصبه على هاك اللي دعمني هاك اليوووووووووم و خبرتكم السالفه..كسرلي سيارته حسبي الله عليه و لين اليوم متعطله امووووووووووووووري..لا رايمه اسير و لا رايمه ارد شرات الناس << ما احب اسوق سيارات كلاسك و الا جان تخلصنا من هالمشكله لووول

3. معصبه واااااااااااااايد من بعض الزباين و بعض الناس اللي يتحرون التاجر مستواه اقل منهم…و يعتبرون الواحد اذا استوى ” بياع ” يعني خلاص استوى بشكارهم ..هاييل يبالي ارقعهم على ويوهم بغرشة زيت شما عشان يعتدل مخهم << لا احترام و لا تقدير..شي يرفع الضغط

4. معصبه من اللي يوعدون و يخلفووووووووووووووووووووووووووووووون و يخلوني انش من الفجر على اساس اسير اخلص شغلي و استوت الساعه 11 و شكلي برد اكمل رقادي .و يا خسارة نشة الصبح اللي خسرتها اليوم << استريحي عندج العمر كله ترقدين لين العصر

5. معصبه من البرررررررررررررررررررررررررررررررد…فعلا اعصابي تلفت و مب قادره اتحكم في مخي لووول..و اطرافي تشنجت من البرد.. البرد ذبحنا خلاص ..لازم اخذلي دفايه << اهم شي و اول شي على اللسته هي الدفايه

6. معصبه من الشوتايم اللي طارين التلفون عليه كل دقيقتين يتصلوووووووووووووووون..ياخي مابا اجدد اشتراكي مابا مابا شو بالغصب؟؟ << اووووووووووووه

7. معصبه من درازن الاشياء اللي لازم اسويهم… to do list عندي طاااااااااااااااااااااااااااافحه ..بس ما اقدر اسوي شي لظروف خارجه عن الاراده و انا يالسه جيه اعصابي محترقه!!

مشكورين على حسن الاستماع

و اللي معصب من شي له مطلق الحريه في التعبير عن نفسه في الموضووووووووع

افا عليكم بس موضوعي هو موضوعكم و اذا ما يشلكم الموضوع عيوني تشلكم << بشوي شوي عاد مسويه ليزك << من كم سنه بس بعد لووول مافينا تخربون شغل الدختور