السلام عليكم ومبرووك عليكم الشهر ..
صادفني موقف ونا في ماكدونالد .. بانكوك … وحبيت اخبركم عنه
شفته حرمة اماراتية كبيرة شوي في السن تروح تطلب في ماكدونالد وولدها شاب ماشالله علية يالس … و عقب الحرمة سارت تاخذ الطلب و تشلة بروحها ,, مسكينة لين الطاولة … وولدها بعد يالس …ونا مقهور في خاطري ارمسة و اقوله حرام عليج تخلي امك هيه تسير و تشل الصينية وتطلب وانه يالس
و عقب بعد شفت الحرمة سايره تاخذ كلينكس هنية صدق انقهرت لانه حرام احس تعب عليها ركوب الدري و المشي بين الطاولات ….
ونا في خاطري اقول صدق انه ما يستحي و ما فيه مذهب يباله هزاب يعني ما خليت شي ما قلته عنه ….ونا يالس اشوفة باحتقار ….
المهم .. يوم خلصوا أكل … و يا ولد الحرمة بيقوم .. طلع معاااااق .. ما يمشي يعني مشلول ..؟ بطلت عيني و احس انه صدق انحرجت و ظلمت الولد الشاب ..واعتقد لو كان بخير ما بيخلي امه تسير وترد
—————–
وفي النهاية كم ظلمنا ناس وطنينا السوء و رمسنا عليهم و طلعنا اشاعات و تأليف عليهم كلام ورمسات و نحنا مانعرف القصة وتفاصيلها كاملة …. و اتمنى من كل حد ما يرمس عن اي شخص الا عقب ما يعرف القصة كاملة و يتأكد منها
ولازم نعطي العذر لكل انسان ومانحكم علية قبل ما نتحرى و نسأل علشان ما نظلم حد
و الافضل انه مالنا شغل في الناس يكون احسن …
مشكور ولد الفلاسي عالموضوع الرائع وانا شكيت قبل ما تكمل الموضوع انه معاق وبالفعل طلع معاق
وحسن الظن مطلوب في كل شي لكن سوء
الظن دايما يسبق الله يعينا تحياتي
اشكرك اخوي ولد الفلاسي على الموضوع
مثل هاي المواقف ممكن كلنا نتعرض لها
المشكله ان سوء الظن دائما يسبق
وامرنا الرسول صلى الله عليه وسلم بحسن الـــظن ” اتخذ لاخيك سبعين عذرا فان لم تجد فقل لعله نسي “
طرح جميل اخوي ولد الفلاسي بارك الله فيك
كل الود
الله يعافيه ويخلي له أمه
حسن الظن بالناس من طباع المؤمنين ,,
وحسن الظن دائما مفتاح طيبة القلب
الله يعافيه ويخلي امه
الحمدالله على نعمه الكثيره