السلام عليكم و رحمة الله و بركاته
كنت داخل اليوتوب (youtube) أشوف المقاطع. و مقطع يجر مقطع لين ما وصلت لمقطع شدني بصراحه.
المقطع عباره عن مقدمة برامج في إذاعه تلفزيونيه أعتقد إنها إماراتيه. المقدمه كانت حاطه قمبوعه ورا راسها.
اللي شدني في الموضوع، إن عدد المستنكرين لهالشي كانوا وايدين.
أغلب المقاطع اللي في اليوتوب يكون التأييد لتعليق معيّن ما يوصل أكثر من 5. بينما التأييد للتعليقات في هالمقطع كانت كثيره، شي منها تعدّى حاجز الـ 100.
السؤال اللي يطرح نفسه،
هل كل هالناس على خطأ و الفئه اللي تحط القمبوعه على صواب ؟
همسه،
أرجو من المشرفين إنهم يسمحولي يوم حطيت الرابط، أنا حطيته عشان أراويكم عداد التأييد.
ممنوع تحط رابط لموقع يو تيوب في المنتدى ..
هذا الكلام مو من عندي .. من عند الجماعة اللي فوق ..
وبلا قمبوعات بلا بطيخ ..
ياااااااااااااااااهل …. الله يهديها
انا اسمي هالفءة اللي جي تسوي بال Alien
دشو القوقل وسو بحث لهالكلمة وبتعرفون قصدي
والله ياخوي مادري شو أقولك.
أنا حاط الموضوع و قايللكم طنشوا التعليقات اللي مالها لزمه.
و إذا بنوقف النقاش في أي موضوع لمجرد إن أحد الأشخاص كاتب شي مب زين، فأظن إنّا ما بنتناقش موليه.
يا حليلها صدقوني ممكن انها تجهل نوعا ما الخطأ الذي وقعت فيه لكن يبقى الأيمان في قلبها محتاجه لتوجيه اكثر من ذمها على ما فعلته …تمنياتي لها بالتوفيق . هذا أعقل رد
…..
وصدق مشرشحين البنت .. بس هي اللي جابته لنفسها ..برنامجها مافيه
اي نوع من الحشمه ولو أنها حشمت أهلها ماكان طلعت ببرنامج كله ميوعه مع الشباب ..
….
لكن مانقول إلا الله يهديها ويهدي شباب وبنات المسلمين..