السلام عليكم و رحمة الله و بركاته
كنت داخل اليوتوب (youtube) أشوف المقاطع. و مقطع يجر مقطع لين ما وصلت لمقطع شدني بصراحه.
المقطع عباره عن مقدمة برامج في إذاعه تلفزيونيه أعتقد إنها إماراتيه. المقدمه كانت حاطه قمبوعه ورا راسها.
اللي شدني في الموضوع، إن عدد المستنكرين لهالشي كانوا وايدين.
أغلب المقاطع اللي في اليوتوب يكون التأييد لتعليق معيّن ما يوصل أكثر من 5. بينما التأييد للتعليقات في هالمقطع كانت كثيره، شي منها تعدّى حاجز الـ 100.
السؤال اللي يطرح نفسه،
هل كل هالناس على خطأ و الفئه اللي تحط القمبوعه على صواب ؟
همسه،
أرجو من المشرفين إنهم يسمحولي يوم حطيت الرابط، أنا حطيته عشان أراويكم عداد التأييد.
أخوي
” بروكر سنافي “
أشوف إنه ردك هذا ،، فيه تهّجم صريح على إدارة المنتدى والمشرفين
أخوي عندك icon التبليغ عن المشاركات السيئه
بلّغ ،، وشوف إذا ما تم الحذف !!
والأخ صاحب الموضوع
” متعني و متصرّف “
ماحط المقطع لغرض سيئ “لاسمح الله” ،، محور الموضوع يدور على نوع التعليقات عل الفيديو – فقط
ومثل ما تشوق في المشاركه ال 2 ،، إنه نبّه على هالشيء
وإذا يت على ” القمبوعه ” ،، نعمة وفضل من باجي الأشياء اللي العالم كلها اتشوفه
__________________
أطلب من الإداره حذف الرابط و إستبداله بالتعليقات فقط.
أنا حطيت التعليقات هنه، عشان أحصر النقاش.
الله يهدي الأخوان، كل اللي يتكلمون عنه هو الرابط نفسه و إن بعض التعليقات منافيه للآداب، مع إني بيّنت السبب من وضع الرابط.
أظن بهالطريقه، الأخوان اللي معترضين على الرابط بيكونون راضيين.
روى مسلم في صحيحه، وأحمد في المسند عن أبي هريرة أن رسول الله صلى الله عليه وسلم قال: ((صنفان من أهل النار لم أرهما قوم معهم سياط كأذناب البقر يضربون بها الناس، ونساء كاسيات عاريات مميلات مائلات رؤوسهن كأسنمة البخت المائلة، لا يدخلن الجنة ولا يجدن ريحها وإن ريحها ليوجد من مسيرة كذا وكذا)).
شكرا على الموضوع
يوم حطيت مقطع بالخيول قالوا المشرفين ممنوع وحذفوا الموضوع
اشوف هل الموضوع عايبنهم وفيه يوتيوب
خلاص انزين عرفنا قمبوعة شو تتريون لين كل العالم تشوف المقطع
استغفر الله العظيم من كل ذنب عظيم
ياريال مانقدر نقـول غيـر الله يهديهـا ويصلـح شأنهـا
وانت تدري عـاد بعض الشبـاب طايحين على هالقنـاة بسبة هالقمبـوعة
لاحظ، أنعدام الخبـرة في التقديم بعد، شوف كم مرة قـالت أأأأأأأأأأأأأ ،، وبتعرف انه ماعندها سالفة ،،،