الاحتاجات الضروريه للقيام بالرحله البحريه :
1-معرفة ارقام هواتف حرس السواحل للمنطقه التى تنوى الصيد فيها (السرب الاول يتبع الفجيره -السرب الثاني يتبع راس الخيمه -السرب الثالث يتبع الشارقه وعجمان وام القيوين -والسرب الرابع يتبع دبى -والخامس يتبع ابوظبى -والسادس يتبع السلع )
2-الحاله الجويه لليوم الذى تنوىالابحار فيه (026667776 )
3-جهاز هاتف جى اس ام للمناطق القريبه او الثريا للمناطق البعيده وجهاز تحديد المواقع Gps وبوصله 0
4-ادوات اسعافات اوليه 0
5-طفاية حريق صغيره وطوق نجاه او سباحه 0
6-مصباح يدوى وشاحن للبطاريه وباوره او انير 0
7-حبل قوى ومتين مقاس 9 او10 ملم لربط الانير اوالباوره 0
8-ملئ الخزان بالوقود مع الاحتفاض بكميه من الوقود فى خزان اخر احتياط سعة 5 جالون 0
9-صلاحية الانوار الملاحيه (تحدد الاتجاه وتاكد ان اللون الاخضر على اليمين واللون الاحمر على اليسار )
10-وجود شفاط لشفط الماء للضروره 0
11-التاكد من صلاحية المحرك قبل الانطلاق 0
12-وجود ماء للشرب بالطراد لان الطعام يمكن الاستغناء عنه انما الماء ضرورى 0
اسف اخوانى على التاخير ولكن لتجميع الماده الكامله والكمال لله وارجو السموحه اذا نسيت شيئ ذكرونى فان الذكرى تنفع المؤمنين وشكر 0
السلام عليكم ورحمة الله وبركاته
نوخذانا العود
اسم الطراد الختال 35
اسم المصنع الختال
ت صاحب المصنع : 0506544848
الموقع : دبي القرهود
الي يبا ايسير المصنع يباله دليل عارف المكان نظرا للمشاريع التنمويه بالمنطقه
( المشاركه القادمه صوره لراعي الحيره / طرادي اليديد من الختال مع تفاصيله الكامله )
يزاك الله خير على المعلومات انا خاطره في باليه فكره
انا نحط صور طراريد ونكتب كل طراد والمصنع ماله ؟
شو رايك في الفكره ؟؟
عساس كل واحد يوم يشوف طراد يعرف صنعه وين
طبعا بس المصانع المشهوره
وبالتوفيج ان شاء الله
اخويه بن منصور السلام عليك ورحمة الله وبركاته -من طول الغيبات ياب الغنائم -اشكرك عزيزى على الثقه الغاليه -ذكرنا 9 مصانع لكن من 9مصانع هناك 3 مصانع مكتسحات السوق بفضل من الله وهن مصنع المحيط للاخ احمد بن غليطه ومصنع الختال للاخ محمد الختال ومصنع المزروعى للاخ محمد المزروعى -الثلاث قوالب ناجحه نجاح فاق التوقعات والدليل زيادة الطلب على هذه القوارب فمصنع المحيط او بن غليطه عنده طلبات الى نهاية السنه مشاءالله-كذالك مصنع الختال لديه طلبات محليه ولدول مجلس التعاون -اما المزروعى فهو كذالك قالبين وكله ماشى حجز قريب 0
القوارب الثلاثه هى من فئة 38 قدم والتى اثبتت على مر السنوات الخمس الماضيه انها تعتبر من انجح الطرادات للصيادين حيث ان اصححاب المصانع ينزلون عند رغبة الصيادين فهذا هو سر النجاح -اما بالنسبه لعرض الطرادات فهى من 9الى 10 قدم -اللهم الاختلاف في الرقعه منهم ال v مثل المزروعى والنصف v مثل بن غليطه والختال -انا الصراحه عندى المزروعى وبن غليطه واحاول مع الختال اذا بيسوى ليه طراد ثالث لكن المدح فيه عند اللى مجربينه 0 والسموحه منكم اخوكم البالوول 0
تسجيل طراد النزهة في امارة ابوظبي :
من 10 قدم الى 33 قدم
وزارة المواصلات: اخر اشارة في شارع القرم/عدال وزارة العمل
شهادة الشطب الاصلية/ عقد المبايعه الاصلي/ صورة الجواز / صورتين شخصيتين
لازم تكون مجهز على الاقل ثلاث اسماء للطراد علشان مايحشرونك
ثم بيعطونك كتاب موجه لخفر السواحل .
خفر السواحل في ميناء ابوظبي :
كتاب المواصلات الاصلي / صورتين جواز / اربع صور شخصيه
اذا كان متوفر جهاز تتبع في خفر السواحل بيركبونه لك
بيسالوك عن مكان الطراد للفحص او بيخلونك تجيبه لهم في المينا
بيعطونك استيكر عليه رقم …………..AP
وعليه تاريخ المراجعه ، تروح تفصل رقم في شارع السلام عدال النيسان ،نفس المحل اللي يسوي استيكرات حق السيارات طبعا يكون معاك حجم الرقم .
تلصق الرقم على الطراد وتاخذلك صورة الطراد مع الرقم ولا تنسى تصور المكاين ، وتطبعها على طابعه ملونه وورق عادي .
يوم تراجع في خفرالسواحل يكون معالك الاستيكر وصور الطراد بالرقم .
يعطونك شهادة الفحص وترد المواصلات ، وتدفع اللي عليك وتاخذ الملكيه .
في حالة تسجيل طراد نزهه 34 قدم و اطول، مطلوب جهاز راديو لاسلكيVHF.
تحياتي الحارة
بما انك يا اخوي بالوول كتبت هالموضوع الرائع اللي شرا صاحبه .. بنغلبك شوي معانا
يالليت يا اخوي كل مصنع تذكره تحط رقم المصنع وفي اي اماره ووووو ياليت بالمره تكون الاسعار موجوده لكل قارب وعلى الاقل تكون الاسعار من ال27قدم وانت طالع حتى تعم الفايد للجميع وحتى ماتكون الاسعار متفاوته للقارب الواحد ياليت يكون السعر سعر الاستندر للقارب واللي يبي يزيد على القارب اكيد بيخبرونه في المصنع كم بيوصل سعره .. ولك مني كل الاحترام وتقبل مروري.
هذا رقم مصنع البركودا في رأس الخيمه 072445777
هذا رقم مصنع المحيط للقوارب اللي هو بن غليطه0506506363