مساكم الله بلخير
مووووووووووووووستحيل ما سلبتووووووووو ما يمر شهر والا طايحتلها في مغامرة
جنه بدوي طايح في عصيده <<<
طاحت عليه البارحه الخدامه …. بطنها يعورها وما تروم اتحرك … وللعم يايبتنها من سبوع تقريبا وطلعت انها حامل … بلمفروض انه البارحه اردها على المكتب لكن الدريول كان مشغول
اساعه 8 المسا رخصتها قلتلها سيري ارتاحي
بعد نص ساعه انه الخادمه الثانيه يايه اتنافظ من الزياغ مدام ومدام …
وسرت شفت الخدامه انها شويه وبتموووووووووووت
اتصلت بالدريول اني اوديها اقرب مستشفى قالي انا برع وبرد بعد ساعه
قلت ياااااااااااا هي حااااااااااااااااااااااله
وفكرت وفكرت
مافي ريال موجود في البيت حد دوام وحد مسافر
المهم واتصلت سلبتو اب 999 وطلبت الاسعاف
وماشاء الله عليهم في اقل من 5 دقايق يو شلوها وودوها اقرب مستشفى حذا البيت
ولحقتهم انا عقب
ويوم وصلت لمستشفى سرت الطواري ويلست لين ما يت الدكتورة قلتلها هااااااا شو بلاها .. قالت والله الخدامه عقت ..!! شووووووووووووو
قلت في خاطريه يمكن سوت بعمرها شي عشان ما اتسفر ولا انه انردها المكتب
وبعد ساعه من الوقفه صابني هبووووووووووووط في الضغط والناس اللي تمشي كلهم اشوف سوووووود 
واقفه بعالج الحرمه اخر شي هم عالجوني بكيس مغذي … اسميني هلكت من الضحك
قلت في خاطريه الحمدالله والشكر
ويوم استوت اساعه 1 فليل غيض عليه الدريول وروح 
قهرني …
قلتله اصبر انا مخلصه بس بسير اوقع دخول الخدامه
وفجأه استوت عندهم حاله طارئة بالقو
دخلووووووووووو يمعة شباب يدزون واحد مادري شو منكسر فيه
وهز الطواااااااااااااااااااري هز
وين الدكاتره
وينكم وكله بصووووووووووووووووووووووت عالي
وياني الفضول اني اعرف شو فيه يوم يت السستر من عنده قلتلها شو بلاه قالت ماشي بس كسر في الجتف 
بس؟!
وفي ثانيه اتيمعو الدكاتره عليه والممرضات وخلوووووووووووووونا نخيس يمكن ساعه
خلصت حق الخدامه وكل شي
واستوت اساعه 2 ونص قرب ال 3
طلعت برع
قلت في خاطريه احينه منو بيوديني البيت
مب مشكله بسير مشي بس كم بمشي ساعه ساعتين
لين مسكينه رافت بحالي حرمت اخو ريلي يوم سوتلي تتطمن قلتلها انا واقفه برع ما عندي حد يردني …
وقالت بني بنشلج
ومساكين يو شلوني وانا تلومت فيهم ومن الصوب الثااااااااااااني معصببببببببببببه عالدريول 
وهذي اخر مغامره استوتلي 
صدق تعبت لكن حسيت اني سويت اكشن بدال اليلسه اللي مالها معنى 
فكرت اسويلها حبة الحمرا بس تهزأت اونه شو تشربينها شي ما شربته في حياتها
ولاا كنت بدلعها بسويلها اياه بلكستر بعد خخخخخخخ
__________________
الحمد الله على سلامةتج وسلامة الشغاله
اول شيء سويلها حبة الحمراء هههههههههههههههههههههههههههههههه خل يتنظف بطنها
واعطيها حصاه حاره لووووووووول
اسميها سوالف
ابا اعرف كيف يطلعونهم من بلادهم بدون فحص حمل !!!!!!!!!!!!!!!!!!!!!!!
ولا تتكلمين عن مستشفياتنا ،
لو أنا بدالج .. أول ما بطلع بمر باخذ خيزرانه .. و بمشيها ع ظهر الدريول ..
أوكي دامه دريول البيت .. وانتي من أهل البيت تراج ..
لو دريوليه جان ما جان ما خليته دقيقه وحده لكن هذا دريول البيت
__________________
أنا لو غيرج الدريول بسفره في اول طياره