السلام عليكم

اذا في أحد ممكن ينصحنا بمشروع مغسلة سيارات….أومثلا يعرف موقع جيد (يفضل في الشارقة) يصلح لهذا المشروع…أو حتى يعرف أحد يريد يبيع مغسلة.

جزاكم الله خيرا

31 thoughts on “مغسلة سيارات”

  1. مرحبا

    انا قلت الرجال خلاص فتح مغسلة وجاي ابي ا غسل مورتي عنده

    اخوي توكل على الله

    والمهم

    صلي صلاة استخارة قبل تجزم

    مودتي لك

  2. سلام عليكم

    انتو ذكرتوا المشاكل اللي تحصل بس نسيتوا الفوايد
    صراحه شغلة المغسلة اتكدلك خير وايد
    انا ما اتكلم عن خبرة او كصاحب مغسلة
    بس منو ما يغسل موتره … شوف الزحمة اللي تستوي هناك
    كل يوم زحمة ما أذكر مره سرت المغسله وماحصلت موترين والا ثلاثة قبلي يتريون
    ولا تنسون اجازة نهاية الاسبوع والاعياد الزحمة واصلة لين الشارع
    خصه فدبي
    —-
    بعد قرايتي للردود انا ما اشوف مشكلة الا من العمال نفسهم
    يعني يبالك شوية حزم وياهم وتنبيهم دايما وانت والخير رباعة
    وهالمشاكل ما اتكون يومية يالله فالسنة مرة والا اثنين
    —
    اذا ما حصلت مكان لين الحينه
    انا اعرف مكان مضبوط فدبي وفمنطقة سكنية
    بس لا تنسى العمولة

  3. اذا تقصد مغسلة سيارات صغيره .. زينه لكن بيجيسك صداع

    يعني تخيل انك راجع من الدوام .. بتحط راسك الظهر ( قيلوله ) واتحصل تليفونك يرن .. ترن ترن ترن

    ألوووووووو أرباب ماكينه مال ماي خربان خخخ وعاد شو بتسوي ، هل بتروح تشتري ماكينه 2600 درهم في نفس الوقت؟؟؟ ولا بتروح توديها عالضمان واتريااا اسبوع او اسبوعين ..؟؟
    فما بالك اذا اختربن عنك ماكينتين وهم راس مالك في المحل … وبتذكر كلامي اذا فتحت المغسله
    ممم مممم وبعد كل يوم بيحترق عندك فيوز تمديدات الكهربه والمحولات ويمكن ماكينة الشفط وقيمتها 1700 درهم

    وبعد يمكن تحصل عامل من العمال فاضي وما عنده شغل ويحب يتفلسف ( يبغي يضيع وقت .. يقبض بـيـب ماكينة البرشر ويبغي يغسل ماكينة

    المهم ما فيني أحبطك وايد ..

    الخلاصه : الدخل الصافي لا بأس فيه بعد طلاع روح العمال والكراف..
    لكن توصل لمرحله ما يزيد دخلك ابداً

    بكمل بعدين وبخبرك شو تفتح

    ما قصر أخوي طموح،،،،،،،، و أزيد من الشعر بيت، مرات عمال المسح يكسرون شي في السيارة عاد تحمل قيمة القطعه 200 و لا 300 ،،، بتحمله العامل؟؟؟ بيقولك بابا أنا مسكين في شيكو في بابا مريز في و في و في…..

    الخلاصة: عن سابق خبرة الفايدة الوحيدة هي غسيل سيارتك و تبديل زيت بالمجان

    صدعة و صدعة و صدعة. شي تجارة أبرك من هاي الصدعة

    تحياتي

  5. انا اقولك توك على الله بس حط التكاليف وماعندك شي يخترب مثل اكل كلهن مكينتين وكم بيب و3 عمال ونتها الموضوع بس شوفلك موقع زين واجار زين بصراح الاجار وايد يهلك صاحب المشروع من يخلص العقد قالك هالكثر تبا واذا ماتبا برع مب حاله والله يوفقك

Comments are closed.