السلام عليكم ورحمه الله وبركاته
للي يهمه الموضوع ارجو منه ما يقصر ويانا
اول شي الكل يعرف النيسان كنج رود الي ما نزل الا سنه 1996 والي ما نزل الا بثلاث الوان .. بني .. وبني على ذهبي .. ورصااصي علي عنابي .. وانا بصراحه خطرت لي فكره تشكيل قروب بشرط انه الموتر يكون بحااالة الوكاله يعني مثل ما طلع من باب الوكاله لان اغلب المواتر الي بتكون فالقروب بتكون وكاله ومب مهم المكينه 
اهم شي يكون وكاله من برا يعني مدعميه وجركن وحديده الاسبير وشد وجناح
طبعا الدعوه عاامه لكافه اصحاب النياسين فالامارات السبع
ليش ياخوي شوفيها فكرته … ؟
هل هي مخالفه لتعاليم ديننا الحنيف؟؟
هل هي مخالفه للقوانين المروريه او التشريعيه؟؟؟
هل انت ماخذ فكر سيئه عن القروبات؟؟ اذا نعم اطرحها للمناقشه والاستفادة من وجهات النظر الاخرى (وامركم شورى بينكم)
ياخويه اسال مجرب ولاتسال خبير.. نحن وبفضل من الله عزوجل نطلع في قروبات بالدراجات او نوع من انواع السياير للصحراء وغيره .. وعندنا ناس مدينه اكثر منا .. ولا هم المشجعيين والمنظمين لبعض القروبات
اتمنى انك فهمتني والسموحه على الاطاله
فكرة طيبه بس لو تكون على جميع انواع النياسين الاوف رود واتنسيق مع وكالات النياسين لدعم القروب
مثل وكالة الجيب اعتقد تنسق او تدعم فريق او قروب الجييبب
موفق بإذن الله … لك مني أجمل تحية .