بسم الله الرحمن الرحيم
السلام عليكم ورحمة الله وبركاته
اول شي يمكن البعض سمعوا ان السيارة انباعت وطبعا هالكلام صحيح بس الريال رجع عن كلامه
بعد ما دفع لي العربون وكتبنا المبايعه رجع عن كلامه وقال محتاي البيزات وماقدر اخذ السياره

من البدايه ياجماعه قلت للجادين .

انا قلت بعرض الموتر بشكل مختلف هالمره , بسوي مزاد على السياره

شروط المــــــزاد ( يرجى قرائتها )

شروط المزايدة :
بالنسبة لصاحب السلعة :
1. تحديد ( مدة المزايدة وبالتوقيت ( يبدأ المزاد الساعة كذا يوم كذأ وينتهي الساعة كذا يوم كذا) + سعر البضاعة بداية المزاد).
2. عدم إلغاء المزاد لأي سبب كان مادام المزاد مستمر أو انتهت مدته إلاّ في حالة عدم مشاركة المزايدين في المزاد من اصله ولفترة لاتزيد عن (3) أيام .
3. يجب ذكر المزايدين من خارج المنتدى للمصداقية في المزاد ( وهذا الشي بيكون في ذمّة البائع ) وإن كان من اعضاء المنتدى يجب ذكر اسمه.
4. عدم تمديد المزاد الاّ بموافقة من المشرفين وذلك بعد شرح الاسباب المقنعة للتمديد وقبل نهاية المزاد بفترة كافية.

بالنسبة للمزايدين على السلعة : الإلتزام بمايلي:
1. يجب على المزايد ان يبدأ سعره من بداية سعر المزاد وليس اقل من السعر المفتوح للمزاد.
2. عدم تبخيس البضاعة والانتقاد عليها والتجريح والتشهير بصاحب البضاعة .
3. في حالة وضع سعره ويريد الغائه عليه بمراجعة صاحب المزاد والمشرفين وبيان سبب الغائه .
4. على المزايد وضع عنوانه للتواصل معاه وليس السعر فقط ( حسب رغبته على الخاص او التليفون او الاميل او … او …. الخ ).
5.الجدية من قبل المزايدين، وقراءة وفهم قوانين قسم البيع قبل الدخول في أي مزاد.أي شكوى على أي عضو يجب إبلاغ الإدارة عنها بدون الدخول في مشادة مع الأعضاء.
اول شي بكتـب تفاصيل المزاد ومن ثم بذكر تفاصيل السياره

تفاصيل المزاد :

تاريخ الابتداء : الاحد الموافــــق 01 / 5 / 2011
تاريخ الانتهاء : الجمعة الموافق 20 / 5 / 2011
20 يــــــــــوم

سعر الابتداء : 45،000 ،خمسة واربعون الفا .

والي من خــــارج المنتدى ويريد يزايد يتصلي او يطرشلي مسج وانا بحط اسمه مع السعر في الموضوع

550 6606 055 راشـــد
*************
تفاصيل ومـــواصفات واضـــــافــــات وصـــــــور السياره

1) النوع : كرايسلر 300 ، Chrysler 300 رقم 1 (فتحه – كرسي السائق اوتوماتيك – مثبت سرعه …)
2) اللون : اصفر برتقالي ، Yellow Orange
3) 6 سلندر – مكينة موديل 2007
4) VIP style bodykit
air bag (5 هايدروليك اصلي – لكل تاير بروحه يعني 4 مفاتيح
6) ساوند سستم جي بي ال كامل من محل HSV ( مكلف 13 الف تقريبا )
7) تلبيس المقاعد شامواه مع جلد + السقف شامواه + خياطة المقصات + شعار السياره على السيتات + صبغ الطبلون مع الابواب + التخشيب +3 شاشت مع نافيجيشن و دي في دي
8) لامبو دور
9) رسم اير برش من محل UAE tuening
10) رنجات 22
11) سبويلر ( جناح )
12) شبك امامي
13) ليتات خلفيه
السياره حائزة على :
– المركز الاول في مهرجان دبي للتسوق 2008 – فئة السيدان
– المركز الاول في معرض Auto Expo تقنية ابوظبي للسيارت 2010
– المركز الاول + The best in show في معرض اكسبو الشارقة 2010
– Best installed stereo – معرض باربيكان توربو
– المركز الثاني – فئة السيدان في بطولات مكتوم في الفجيرة
– عدد من شهادات التقدير من اتحاد الامارات للسيارات
* ملاحظة : السيارة مفحوصه وناجحه فحص شامل وجاهزه للي يبا يسجلها , وتتسجل اي مكان بوظبي ولا دبي ولا غيره يعني ما يباله شي , والفحص باقي له 23 يوم تقريبا ، والسياره حق استعمال خفيف و حق الكشخه مب حق الكراف .
الصــــــور ,,

للتواصل :
550 6606 055

19 thoughts on “مـــــــــــــزاااد : علــى الكرايسلــــر الاصفـــــر المعـــــدل ،، عرض ولا اروع ..”

  1. السلام عليكم ورحمة الله وبركاته

    يستاهل الرفع

    السعر اللين الحين

    55.000

    ( في حالة عدم المزايده الى تاريخ 5 / 5 الساعه 10 ونص يتم اغلاق المزاد )


  5. آنا مالي خص بهالسوالف بس كنت داشه أشوف السياره لأن أخوي قالي عنها وحبيت أجوف شكلها والسياره حلوه

    لكن ياخوي لو قلت من الأول إنها موديل قديم 2005!!!!

    توه أخوي يقولي سلفيني أبى الموتر وها موديل 2007 وقاعده أتشاور ….. وفجأه شفنا ردك بأنه 2005!!! وطلعة ماكينتها متغيره!!!

    عقب أخاف يجيك أخوي وتطلع السياره كل شي فيها غير عن الي كنت كاتبه!!!

    آسفه بس صج حرقت أعصاب اخوي حليله وكان متحمس يبغي السياره والحين إنصدم!!!
    بالنسبه للناس الي تعطي سعر وعقب تهون وتغير رايها وما تشتري، تراك بتجوووووف واااااايد منهم والله يعينك
    آنا عرضت سيارتي قبل وكنت صادقه بكل شي وهم الكل كان يدفع سعر وعقب يغير رايه او ما يجي أو لما يجي يقولي سعر غير نهائياً
    في الآخر من كثر ما حبطوني بعت بأي سعر والسلام
    وعقب البيع ألف واحد طلعوا يبون السياره وبأسعار فوق حتى من الي آنا كنت طالبتنه!!!

    مافي مصداقيه لا في البيع ولا في الشراء
    والسموحه آنا ما عممت وما قلت الكل إنما البعض، والبعض الآخر كان صادق ووفى بكلمته أو رد علي بكلام طيب ومقنع

    أخيراً كنت أتمنى تكون صادق بوصفك من البدايه وكذلك أتمنى لك بيعاً موفقاً وسعر مناسب يرضيك
    والمعذره منك على أي غلط طلع مني
    ربي أسألك العفو والعافيه في الدين والدنيا والآخره وحسن العاقبه
    اللهم صلي على محمد وآله وصحبه أجمعين

    ههههههـ

    اختي ،، اخوي راشد ماجذب بشي..

    لو تشوفين الموضوع.. مكتوب ان المكينه موديلها 2007 مب السياره..

    ورد وكتب يا جماعه انا ما ذكرت الموديل : 2005))

    واناا الرياال اعرفه..

    والموتر مسوينه مع بعض..

    وبالنسبه للموتر..

    ((((( الهايدروليك ،، يتركب يديد بـ 25-30الف درهم))

    وغير الكت والصبغه والتلبيس اللي داخل والسستم والخ…

    اتخيلو كم كلف الموتر..

    ع العمووم السيااره للمزااايده مب للبيع مني والدرب..

    اللي يباها يحط سعره ويكمل المزايده ولا يخرب الموضوع..

    تحياتي..

Comments are closed.