مــن مــن هــــؤلاء تــُُحــب أن تـكــــــــون ……….؟

سبحان اللي خلق وفرق
الناس في الدنيا مب واحد
قصيده جدا أعجبتني
لقيت فيها نماذج مختلفه من البشر
قصيده كلها حكم وأمثال
ممكن نتعلم منها ونعرف من خلالها
كيف وكم المعاني والأخلاق والشهامه والمرؤه والكرم
لها تأثير في بلورة شخصيه الأنسان المميزوالمحبوب.

واللحين اتركم تستمتعون بهذي الأبيات الجميله

القـصـيــــده

كل من عاش بالدنيا يشوف العجايب
مثل ما شفت بالدنيا وشفته بأهلها

قمت أبرق وأفرق بين مخطي وصايب
مثل فرق الجبال النايفه من سهلها

والتوافيق عند الله حظوظ ووهايب
عند رب يجازي كل نفس بعملها

أشهد أن الهدوم يسترن المعايب
إثرها تستر الحرمه وتستر فحلها

الأوادم بعضهم مثل وصف الجلايب
لو توحد بها ذيب الخلا كان أكلها

كم صبي تحسب إنه عطيب الضرايب
وإن بخصته كرهت الديره اللي نزلها

ما يسر إن حضر وإن غاب ماقيل غايب
مير الأرزاق عند الله لخلقه كفلها

مايضد الضديد ولا يفيدالقرايب
يوم نفسه تعدى حدها من زعلها

وفيه رجل يحل المشكله والنشايب
كل ماحملوه الواجبات إحتملها

واقف للزوم ومرتكي للنوايب
والحمول الثقيله مالها إلاّ جملها

ليت روحه قبل تركز عليها النصايب
حط عنه أربعين من الزلايب بدلها

وفيه منهو مسالم ما يحب الطلايب
ماشتقى من رضا نفسه ولا من زعلها

وفيه منهو إلا كبرت عليك المصايب
ساق وجهه وجاهه لك ونفسه بذلها

وفيه منهو يبا الجودا فلا شك هايب
كل ما ناض صدره جاعضوده خللها

وفيه منهو يحل المعجزات الصعايب
أصغر أفعاله الجزلات محد فعلها

وفيه منهو يعيش وعيشته بالسبايب
كل ما سمع له غلطه من رفيقه نقلها

وفيه منهو على نفسه رضا بالغلايب
الله اللي رفع نفس ونفس خذلها

لو تبي تنصحه لله مجري الهبايب
أنكرك والنصيحه ردها ماقبلها

أشهد أنه عقوبه من كبار العقايب
قاصر المعرفه قلبه كما قلب بلها

قصيده للشاعر/أحمد الناصر الشايع

وهذا للي يحب يسمعها

http://www.roro44.com/aldewan/poem/25ahmd3.ram

تحياتي
ملتي مليونيره