أنا مادري هالموضة السخيفة تمشي لوين؟ موضة العبي “العباءة” الغبية واللي تضحك من بهرجتها و”تخريفتها”، نعم قاموا يخرفون ف تصميم العبي بشكل صار أي تقليعة غربية مستهجنة ستايل عند البنات.
وشوفوا إنتوا التدرج ف الموضوع: العباة الفرنسية، بعدين المبندة المخصرة، بعدين المخصرة جداً جداً من زنود البنت لين آخر طرف يلمس الأرض، الفراشة!، البعوض! أأقصد الحوت، أم كم منفوخ! والحين اللاعباه واللا شيلة!
واللي ما يجاري الموضة ينحط صفر عالشمال، تلقى البنات اللي يلبسنها خاصة في الجامعات والكليات يتحرن أعمارهن هاي كلاس وآخر ستايل ف تجمعات منعزلة عن الغير، ويميزن عمارهن بالشي الأسود اللي لافات عمارهن فيه مع قصات غريبة، ونظارة ماكلة الويه والقصة المصبوغة على ينب وسنام البعير، أما ما تحت العباة معروف على طول ما في غيره: قميص عاري وبنطلون “low waist” جينز! نعرفهن على طول لأنهن بصريح العبارة يذكرني أنا وغيري بملابس الفنتازيا اللي يلبسوهم في السيرك، ماشي فرق صدقوني، واللي حضر سرك الشمس لي يابوه ف دبي السنة اللي طافت بيلاحظ وجوه الشبه السبعة!
الحين آخر مصخرة سووها للبنات هي العباة اللي تبين نص الذراع، أسميهن البنات يلبسنها عادي، اتشوف الإيد نظيفة وتبرق من بعيد، مادري ليش يوم اطيح عيني على هالنص ذراع العاري أتأمل فيه
اذا انا نحن البنات نيلس نطالع لاننا شاييفين شي غلط !!عيل كيف الرييال
وكيف بيكون تفكير الريال المواطن؟ وكيف هو تفكير الريال الغير مواطن؟ صدقوني تفكير الإثنين مختلف بتاتاً، إختلاف ينتهي بفكرة سلبية تفشل.
اذا انا نحن البنات نيلس نطالع لاننا شاييفين شي غلط !!عيل كيف الرييال
وكيف بيكون تفكير الريال المواطن؟ وكيف هو تفكير الريال الغير مواطن؟ صدقوني تفكير الإثنين مختلف بتاتاً، إختلاف ينتهي بفكرة سلبية تفشل.
استغفر الله يا ربي، يوم أجتمع مع هالنوعية من البنات اللي جتلن المعنى الصحيح للعباة ولبسها، أبدن ما أتفاجأ يوم يأذن ونسير نصلي وهن يالسات، اللي الله حاط له فكر صحيح ما يحيد عنه لو تغير زمانه ومكانه، ممكن الواحد يماشي الناس لكن بحدود، واللي ما عنده حدود يلتزم بها تلقاه ينحرف شوي شوي لين ما يضيع.
يعني باجر لو نفس هالنوعية من البنات طرحولهن فكرة فصخ العباة بالمرة مع الشيلة بتلقى نسبة مرتفعة منهن بتأيد هالفكرة لكن يبغن تشجيع شوي على فصخ الحيا والدين
!!!! الله يهديهن
)على فكرة أنا ما تكلمت عن دور الأهل لأنه مالهم دور(
ولو وراهن رياييل ما طلعن من بيتهن بهل الشكل !!! 
منقول
العباه اصلا كمها طويل بس يكون دنتيل و يوم ترفعين ايدج الي تطيح ..
موديلها حلو ! بس هي مب للستر يعني للكشـخة بس
وانا عندي وحدة و ماقد لبستها فالسوق او فمكان مكس
لأنه بصراحة استحي اظهر ايدي جدام ريال واصلا حرام !!!!
لكن ألبسها بين البنات أو لو رايحة عند ربيعاتي
أو بيت عمي يعني بين الإينااث =)
ورجاءً لحد يطالعني بنظرات ماحبها
كيف هالعباه أول مره اسمع عنها
كلن منهم ياخذ ذنووووووووب
وعسى الله يهدييهم
كيف العباه الي تشف الذراع هالمديل مافهمته ليكون الي فيها دانتيل ؟؟؟
وزين ما ذكرت دور الاهل لانه نحن الحين قاعدين نتكلم عن بنات كبار صارو اطول من امهاتهم يعني فيهم عقل يميزون بين الصح والغلط لا يدلعون ويقولون اهلنا واهلنا صحيح النشئه والتربيه الحسنه من الاهل لكن الاهل ما يدرون بخرابيط الموضه الي نازله الحين الواحد ما يرمي اغلاطه لاهله انتي كبنت شفتي مثلا تقصير من الاهل لانه جيلهم كان غير عنكم قومي صحي الي حواليج ذكريهم بربج
اسال الله ان يهديني ويهدي بنات المسلمين
لا وازييدج من الشعر بيييييييييييت
احينه القرية العالمية جريبة .. سيري .. القرية وشوفي بعظ البناات .. يلبسن الجاكيت البرد فوق العبااة ولازم يكون قصير الجاكيت وظيق …
ولله موظه الواحد يستحي …؟ يعق كلمة عليهن