أنا مادري هالموضة السخيفة تمشي لوين؟ موضة العبي “العباءة” الغبية واللي تضحك من بهرجتها و”تخريفتها”، نعم قاموا يخرفون ف تصميم العبي بشكل صار أي تقليعة غربية مستهجنة ستايل عند البنات.
وشوفوا إنتوا التدرج ف الموضوع: العباة الفرنسية، بعدين المبندة المخصرة، بعدين المخصرة جداً جداً من زنود البنت لين آخر طرف يلمس الأرض، الفراشة!، البعوض! أأقصد الحوت، أم كم منفوخ! والحين اللاعباه واللا شيلة!
واللي ما يجاري الموضة ينحط صفر عالشمال، تلقى البنات اللي يلبسنها خاصة في الجامعات والكليات يتحرن أعمارهن هاي كلاس وآخر ستايل ف تجمعات منعزلة عن الغير، ويميزن عمارهن بالشي الأسود اللي لافات عمارهن فيه مع قصات غريبة، ونظارة ماكلة الويه والقصة المصبوغة على ينب وسنام البعير، أما ما تحت العباة معروف على طول ما في غيره: قميص عاري وبنطلون “low waist” جينز! نعرفهن على طول لأنهن بصريح العبارة يذكرني أنا وغيري بملابس الفنتازيا اللي يلبسوهم في السيرك، ماشي فرق صدقوني، واللي حضر سرك الشمس لي يابوه ف دبي السنة اللي طافت بيلاحظ وجوه الشبه السبعة!
الحين آخر مصخرة سووها للبنات هي العباة اللي تبين نص الذراع، أسميهن البنات يلبسنها عادي، اتشوف الإيد نظيفة وتبرق من بعيد، مادري ليش يوم اطيح عيني على هالنص ذراع العاري أتأمل فيه
اذا انا نحن البنات نيلس نطالع لاننا شاييفين شي غلط !!عيل كيف الرييال
وكيف بيكون تفكير الريال المواطن؟ وكيف هو تفكير الريال الغير مواطن؟ صدقوني تفكير الإثنين مختلف بتاتاً، إختلاف ينتهي بفكرة سلبية تفشل.
اذا انا نحن البنات نيلس نطالع لاننا شاييفين شي غلط !!عيل كيف الرييال
وكيف بيكون تفكير الريال المواطن؟ وكيف هو تفكير الريال الغير مواطن؟ صدقوني تفكير الإثنين مختلف بتاتاً، إختلاف ينتهي بفكرة سلبية تفشل.
استغفر الله يا ربي، يوم أجتمع مع هالنوعية من البنات اللي جتلن المعنى الصحيح للعباة ولبسها، أبدن ما أتفاجأ يوم يأذن ونسير نصلي وهن يالسات، اللي الله حاط له فكر صحيح ما يحيد عنه لو تغير زمانه ومكانه، ممكن الواحد يماشي الناس لكن بحدود، واللي ما عنده حدود يلتزم بها تلقاه ينحرف شوي شوي لين ما يضيع.
يعني باجر لو نفس هالنوعية من البنات طرحولهن فكرة فصخ العباة بالمرة مع الشيلة بتلقى نسبة مرتفعة منهن بتأيد هالفكرة لكن يبغن تشجيع شوي على فصخ الحيا والدين
!!!! الله يهديهن
)على فكرة أنا ما تكلمت عن دور الأهل لأنه مالهم دور(
ولو وراهن رياييل ما طلعن من بيتهن بهل الشكل !!! 
منقول
الله يستر علينا وعلى جميع المسلمين ويهدي كل ضال
احم عيل انا بقولكم شو اليدي كل اللي انذكر جديم 100 %
لان الموضه تغيررت حييييييييييييييييييل عيني
وطبعاًً للاسوء
الحين العباه لازم تكون من جدام قصيره عشان يبين البنطلون
وطبعا البنطلون لازم يكون ضيج اذا تحيدون مال الرياضه الاسود بو لمعه واذا ما عرفتوه جوفو جنزات الفلبينيات وبتعرفوونه
واذا ما كانت البنت من ها الاستايل بتكون جيب قيرل او مب مودرن وطبعا ما تكون بالحسبه وما ينصد عليها
واغشيييه على ايام اول عبي ماي فير ليدي ايد وسيعه وساده والي تلبسها يقولون عنها هاي هيه الهاموره
بس الحين لو ماتكون العباه من توشيه هه تكونين من عداد الجيب قيرل
المهم والاهم الصدمه الاقوى المدمره ،، البنات مسودات الويه الحين ما قاموا يلبسون عبي
اوليييييييييييييييييييييي على اءامتي
والي تسويها تكون شي شي شي في مجتمعنا الفاسد
ابصراحه افكار منحطه منحطه درجه اولى
ولا تقولون درو الاهل
ترا والله الاهل الحين مالهم دووور ابدا وكلمتهم مب مسمووعه هاك اول اذا بتقولون دور الاهل
الحين تلقى الاهل
على عيالهم لنم ما يقدرون يقولوم شي
امس كنت اتمشى في السوق اتشرا،، فجأه اسمع وحده اتشاعط واتلاعط
قلت شي مستوي يوم صديت
شفت بنت اتفاتن على امها والله فديت امها منزله راسها والله عيني دمعت وطلع من المحل عشان ما احرج الام لان شافتني وانا مطرطره عيني وحلجي ويالسه اجوفهم
هوزلت بنات اخر زمن محد رايم ايودهم
مشكور اختي على الموضوع الشيق الممتع ،، وترانا نرمس وانحرج ونحرق اعصابنا على الفاضي لا اذن تسمع ولا عين ترا
اخر الدنيا الفسق ينشر لابد حدود ويقولون حريه وحلال هاااع
ودمتم سالمين
اه اه اه اه ..
هذا الموضوع ابى اكتب عنه كتاب ..!!
ما بخلص .. صدقوني ما بخلص .. والله عيب .. عيب عيب عيب عيب !!
ما يخافون ربهم ..؟ ما يعرفون ان الله يراهم وهم لا يرون .؟ ما يخافون من نار جهنم ..؟
لا حول ولا قوة الا بالله ..
اللهم لا تؤاخذونا على مافعل السفاء منا…
الله يستر علينا ويرحمنا ….
انا بعض الاحيان ما اتمالك نفسي يوم اشووف هاي المناضر…
طبعا ابصووت عالي اقوول لها شو الاخت رايحه عرس ولا عندج عرض ازياء….
ماتعرف شو تقوول واذكر مره مسكوني التحريات وعقوني عدهم وبعد 8ساعات تقريبا ظهروني…
ومشكووره ع النقل…
عني شخصيا عباه سودة حالكة الظلام
ولين الرقبة موضة قديمة بس واااايد ارتحت لهن
مادري يسمونهن الصينية ولا القطرية ما ادري والله
ولا في حياتي بخيط نفس هالعبي اللي الحين طالعات عافانا الله
احيانا تشووووف شي بااااااايخ وموديل خاااايس وبعد لابساااتنه ما ادري ليش
والعباه ما تكلفني 200درهم