أنا مادري هالموضة السخيفة تمشي لوين؟ موضة العبي “العباءة” الغبية واللي تضحك من بهرجتها و”تخريفتها”، نعم قاموا يخرفون ف تصميم العبي بشكل صار أي تقليعة غربية مستهجنة ستايل عند البنات.
وشوفوا إنتوا التدرج ف الموضوع: العباة الفرنسية، بعدين المبندة المخصرة، بعدين المخصرة جداً جداً من زنود البنت لين آخر طرف يلمس الأرض، الفراشة!، البعوض! أأقصد الحوت، أم كم منفوخ! والحين اللاعباه واللا شيلة!
واللي ما يجاري الموضة ينحط صفر عالشمال، تلقى البنات اللي يلبسنها خاصة في الجامعات والكليات يتحرن أعمارهن هاي كلاس وآخر ستايل ف تجمعات منعزلة عن الغير، ويميزن عمارهن بالشي الأسود اللي لافات عمارهن فيه مع قصات غريبة، ونظارة ماكلة الويه والقصة المصبوغة على ينب وسنام البعير، أما ما تحت العباة معروف على طول ما في غيره: قميص عاري وبنطلون “low waist” جينز! نعرفهن على طول لأنهن بصريح العبارة يذكرني أنا وغيري بملابس الفنتازيا اللي يلبسوهم في السيرك، ماشي فرق صدقوني، واللي حضر سرك الشمس لي يابوه ف دبي السنة اللي طافت بيلاحظ وجوه الشبه السبعة!
الحين آخر مصخرة سووها للبنات هي العباة اللي تبين نص الذراع، أسميهن البنات يلبسنها عادي، اتشوف الإيد نظيفة وتبرق من بعيد، مادري ليش يوم اطيح عيني على هالنص ذراع العاري أتأمل فيه
اذا انا نحن البنات نيلس نطالع لاننا شاييفين شي غلط !!عيل كيف الرييال
وكيف بيكون تفكير الريال المواطن؟ وكيف هو تفكير الريال الغير مواطن؟ صدقوني تفكير الإثنين مختلف بتاتاً، إختلاف ينتهي بفكرة سلبية تفشل.
اذا انا نحن البنات نيلس نطالع لاننا شاييفين شي غلط !!عيل كيف الرييال
وكيف بيكون تفكير الريال المواطن؟ وكيف هو تفكير الريال الغير مواطن؟ صدقوني تفكير الإثنين مختلف بتاتاً، إختلاف ينتهي بفكرة سلبية تفشل.
استغفر الله يا ربي، يوم أجتمع مع هالنوعية من البنات اللي جتلن المعنى الصحيح للعباة ولبسها، أبدن ما أتفاجأ يوم يأذن ونسير نصلي وهن يالسات، اللي الله حاط له فكر صحيح ما يحيد عنه لو تغير زمانه ومكانه، ممكن الواحد يماشي الناس لكن بحدود، واللي ما عنده حدود يلتزم بها تلقاه ينحرف شوي شوي لين ما يضيع.
يعني باجر لو نفس هالنوعية من البنات طرحولهن فكرة فصخ العباة بالمرة مع الشيلة بتلقى نسبة مرتفعة منهن بتأيد هالفكرة لكن يبغن تشجيع شوي على فصخ الحيا والدين
!!!! الله يهديهن
)على فكرة أنا ما تكلمت عن دور الأهل لأنه مالهم دور(
ولو وراهن رياييل ما طلعن من بيتهن بهل الشكل !!! 
منقول
شو الفايدة من هاي المواضيع الحمدالله منتدانا ما فيه حد ابدا ابدا من هاي النوعيه
كلهن يستخدمن عبي اللي تنحط فوق الراس
على نقل هذا الموضوع الخطير و الدخيل على عاداتنا و تقاليدنا
لا اقول سوى :
كل جيل يكون متحرر اكثر عن الذي سبقه
و البركة في الغزو الثقافي ليس الغربي فحسب ..
انما الغزو المحلي مع الأسف …
اللهم اصلحنا و اصلح شباب المسلمين
اللهم اصلحنا و اصلح فتيات المسلمين
مكر يديد؟؟؟؟
انا مب ضد الكشخه للبنات!ّ!!
البنات يحبن التميز وكل وحده تسوي موديل وكل وحده تفصل وتتشرط وتشكل وتحط وتزيد
يا بنات الحلال نحن ما قلنا لا تلبسن ولا تتكشخن بالعكس
البسن احلى البس وتكشخن بس بين بعضكن بنات ويا بنات
اما تقولون انه لابسه عباة خفاش ولا فراشه ولا مادري شو من هالعلل وتسير السوق والمجمعات لا هذا غلط
هالعبي المزينه والمكركشه والمعدله خلوهن حق الاعراس..
اما للسوق والاماكن العامه مث السوق والمجمعات
البسن ششي ساده ساتر ابرك والله..
بالمختصر الموفيد تكشخي بعيد عن عيون الاجانب(الغير محرم عليج قصدي)
يا جماعة الخير كثر الدق على الحديد يفج اللحام..
ماشي مشكله خلوونا نعيد الموضووع مره ومرتين
وثلاثه لانه انا متاكد كل مره ينزل فيه الموضووع راح
تكوون هناك عضوه يديده وراح يكوون زائره جديده
متواجده بالمنتدى ويمكن يبقى او يتأثر اب شي من
الي نقووله,,,
واتمنى من الاخوات مايكتفوون بالكتابه يحاولوون ينصحوون الي حواليهم…
حشا كم بتفتحون مواضيع و بترمسون عن هالموضوع ؟؟؟
غيروا السوالف ملينا
خلصت السوالف يالسين مع دلالتنا شرات العياييز الا فلانه كانت لابسه و علانه مفصله…شغل ماشي
مشتطين و حالتكم لله … وحارقين عصابكم
في الاخير محد درا بكم من هالبنات…لا زالن لابسات و بيلبسن
خلكم شراتي ما اطالع هاي شو لابسه ولا هاذييج شو عاقه..كافيه خيري شري
وان طاحت عيني على وحده…اطنش…واقول كل وحده حره بنفسها … وزرها معاها و ذنبها على جنبها…والله يهديهن و يهدينا