أنا مادري هالموضة السخيفة تمشي لوين؟ موضة العبي “العباءة” الغبية واللي تضحك من بهرجتها و”تخريفتها”، نعم قاموا يخرفون ف تصميم العبي بشكل صار أي تقليعة غربية مستهجنة ستايل عند البنات.
وشوفوا إنتوا التدرج ف الموضوع: العباة الفرنسية، بعدين المبندة المخصرة، بعدين المخصرة جداً جداً من زنود البنت لين آخر طرف يلمس الأرض، الفراشة!، البعوض! أأقصد الحوت، أم كم منفوخ! والحين اللاعباه واللا شيلة!
واللي ما يجاري الموضة ينحط صفر عالشمال، تلقى البنات اللي يلبسنها خاصة في الجامعات والكليات يتحرن أعمارهن هاي كلاس وآخر ستايل ف تجمعات منعزلة عن الغير، ويميزن عمارهن بالشي الأسود اللي لافات عمارهن فيه مع قصات غريبة، ونظارة ماكلة الويه والقصة المصبوغة على ينب وسنام البعير، أما ما تحت العباة معروف على طول ما في غيره: قميص عاري وبنطلون “low waist” جينز! نعرفهن على طول لأنهن بصريح العبارة يذكرني أنا وغيري بملابس الفنتازيا اللي يلبسوهم في السيرك، ماشي فرق صدقوني، واللي حضر سرك الشمس لي يابوه ف دبي السنة اللي طافت بيلاحظ وجوه الشبه السبعة!
الحين آخر مصخرة سووها للبنات هي العباة اللي تبين نص الذراع، أسميهن البنات يلبسنها عادي، اتشوف الإيد نظيفة وتبرق من بعيد، مادري ليش يوم اطيح عيني على هالنص ذراع العاري أتأمل فيه
اذا انا نحن البنات نيلس نطالع لاننا شاييفين شي غلط !!عيل كيف الرييال
وكيف بيكون تفكير الريال المواطن؟ وكيف هو تفكير الريال الغير مواطن؟ صدقوني تفكير الإثنين مختلف بتاتاً، إختلاف ينتهي بفكرة سلبية تفشل.
اذا انا نحن البنات نيلس نطالع لاننا شاييفين شي غلط !!عيل كيف الرييال
وكيف بيكون تفكير الريال المواطن؟ وكيف هو تفكير الريال الغير مواطن؟ صدقوني تفكير الإثنين مختلف بتاتاً، إختلاف ينتهي بفكرة سلبية تفشل.
استغفر الله يا ربي، يوم أجتمع مع هالنوعية من البنات اللي جتلن المعنى الصحيح للعباة ولبسها، أبدن ما أتفاجأ يوم يأذن ونسير نصلي وهن يالسات، اللي الله حاط له فكر صحيح ما يحيد عنه لو تغير زمانه ومكانه، ممكن الواحد يماشي الناس لكن بحدود، واللي ما عنده حدود يلتزم بها تلقاه ينحرف شوي شوي لين ما يضيع.
يعني باجر لو نفس هالنوعية من البنات طرحولهن فكرة فصخ العباة بالمرة مع الشيلة بتلقى نسبة مرتفعة منهن بتأيد هالفكرة لكن يبغن تشجيع شوي على فصخ الحيا والدين
!!!! الله يهديهن
)على فكرة أنا ما تكلمت عن دور الأهل لأنه مالهم دور(
ولو وراهن رياييل ما طلعن من بيتهن بهل الشكل !!! 
منقول
من أمن العقوبة أساء الأدب
ويقولون لوليين ” قاله من آمرك قاله محدن نهاني”
فلا تستغربون لي قاعد يصير وبيصير ونحن نتقلا عالجمر
الله المستعان وأدعوا الله لنا ولهن الهداية
ما يبالها وايد
هههههههههههه
نحن نستغرب من هذي النوعيه من البنات الله يهديهن و بالذات اللي رافعات شعرهن كيف يركبن السياره راسهم ما يضرب السقف….
بيدخلن المحل يمكن بابه نازل ولا السقف فيه ديكور بيفتلعن الله يهديهن اشكال والوان
ياعرب
انتو ما تدرون ان العباه استوت كندوره